ಮನೆಯೊಡತಿ!

ಮನೆಯೊಡತಿ!
==========°°°

ಪ್ರಿಯೇ ... 
ನೀನೇ ನನ್ನ ಮನೆಯೊಡತಿ
ಅಂದಿದ್ದು ಸುಳ್ಳಲ್ಲ !

ಆದರೆ
ಮನೆ ಓನರೇಕೋ   ಒಪ್ಪುತ್ತಿಲ್ಲ !!

ಶಾಂತಾರಾಮ್ ಶೆಟ್ಟಿ
°°°°°°°°°°°°°°°••••
(ಬಾಡಿಗೆ ಮನೆಯ ಬಡವನ ಶ್ರೀಮಂತ ಪ್ರೀತಿ!!)😀

ಎಲ್ಲಿ?!

ಎಲ್ಲಿ?!
=≠======°°°
ಕತ್ತಲೆಯನ್ನು
ಕತ್ತಲೆಯಲ್ಲೇ
ಹುಡುಕಬೇಕು....!


ಬುದ್ಧಿವಂತರು
ಬೆಳಕು
ಚೆಲ್ಲಿ
ಅಲ್ಲಿ-ಇಲ್ಲಿ
ಹುಡುಕುತ್ತಾರೆ!!.

✍🏻ಶಾಂತಾರಾಮ್ ಶೆಟ್ಟಿ.
   ============⚫

ಮಹಾಮಾತೆ!
===========
ಕುಂತಿ‌ ಮಾತೆ
ಸೀತಾ ಮಾತೆ
ಗಂಗಾ ಮಾತೆ!


ಸುಮ್ಮನಿರಲ್ಲ
ಹೆಂಗಸರು
ಮಾತು ಮಾತು
ಬರೀ.... ಮಾತೇ!!

✍🏻ಶಾಂತಾರಾಮ್ ಶೆಟ್ಟಿ.
〰〰〰▪▪▪
(Already ಎರಡು ಮಹಾ ಗ್ರಂಥ ಆಗಿಬಿಟ್ಟಿದೆ!)🙊😱

ಬಣ್ಣದ ಬದುಕು!

ಬಣ್ಣದ ಬದುಕು!
========°°°°°°🌈
ಆ
ಸಿನಿಮಾ
ಕಲಾವಿದನದ್ದು
ಇದು
ಐದನೇ ಮದುವೆ!

ಆಹಾ....
ಬಣ್ಣದ
ಬದುಕೆಂದರೆ
ಬಹುಶ: ಇದುವೇ!!

✍🏻 ಶಾಂತಾರಾಮ್ ಶೆಟ್ಟಿ

ಅಮ್ಮನ ವಿಚಿತ್ರ ಚಿತ್ರ!

ಅಮ್ಮನ ವಿಚಿತ್ರ ಚಿತ್ರ!
========°°°°°°°°°°°


ಅಮ್ಮ
ಬಟ್ಟೆ ಒಗೆಯುವಾಗೆಲ್ಲಾ
ಅಪ್ಪನ ಜೇಬು
ತಡಕಾಡುತ್ತಿದ್ದಳು
ಹಣದಾಸೆಗೆ ಅಲ್ಲ...
ಅಪ್ಪನ ಸಂಪಾದನೆ
ನೀರು ಪಾಲಾಗದಿರಲಿ ಎಂದು!

ಮನೆ ಕಟ್ಟದಿರುವ ಬಗ್ಗೆ‌
ಚರ್ಚೆ ಯಾದಾಗಲೆಲ್ಲಾ
ಅಮ್ಮನ ಅಡುಗೆ ಆವತ್ತು
ತುಂಬಾ ಖಾರ....
ಕೋಪವಲ್ಲ,
ತನ್ನ ಹೊಟ್ಟೆಯುರಿ 
ಅಪ್ಪನಿಗೂ  ಅರ್ಥವಾಗಲೆಂದು!

ಅದು ಮಾಡಿಲ್ಲ ಇದು ಮಾಡಿಲ್ಲ
ಅನ್ನುವ ಅವಳ  

ದಿನದ ಬೈಗುಳದಲ್ಲಿ
ಅಸಂತೃಪ್ತಿಯಲ್ಲ
ಅಪ್ಪ
ಬೇಗ ಉದ್ದಾರವಾಗಿ
ಇನ್ನಷ್ಟು
ಎತ್ತರೆತ್ತರ ಏರಲೆಂದು!


ಒಗೆದು ಇಸ್ತ್ರಿ ಹಾಕಿ
ಮಡಚಿಡುವ
ಅಪ್ಪನ ಅಂಗಿಯ ಜೇಬಲ್ಲಿ
ಪಂಚೆಯ ಮಡಿಕೆಗಳಲ್ಲಿ
ಅಮ್ಮನ ಕನಸುಗಳೂ
ಬೆಚ್ಚಗೆ ಅಡಗಿರುತ್ತವೆ!

ಅವಳ ವಿಚಿತ್ರ ಬೈಗುಳಗಳು
ಅಪ್ಪನಿಗಾಗಿ ಅಲ್ಲ
ಅದು ಅವಳು
ಹೆಗಲುಕೊಡಲು
ಪಣ ತೊಟ್ಟ
ಅಪ್ಪನೊಂದಿಗ ಅವಳ  ಸಂಸಾರಕ್ಕಾಗಿ!!

ಅಮ್ಮ
ಕೆಲವೊಮ್ಮೆ ಸ್ವಲ್ಪ ವಿಚಿತ್ರ
ಅದರೂ ಅವಳ ಕಣ್ಣಲ್ಲಿಕಾಣುವುದು
ಬರೇ ಅಸ್ಪಷ್ಟ ಕನಸುಗಳಲ್ಲ
ಬದುಕಿ
ನೇರ ದೂರ ತೀರಾ  ಸ್ಪಷ್ಟ ಚಿತ್ರ!!

✍🏻ಶಾಂತಾರಾಮ್ ಶೆಟ್ಟಿ
〰〰〰〰〰〰

ಪ್ರೇಮ!

ಪ್ರೇಮ!
=====••••💞

ತೀರ
ಅಲೆಯ
ಪ್ರಿಯಕರ.....!

ತಿರು ತಿರುಗಿ
ನೋಡಿದರೂ
ಮಾತಾಡಿಸಿದರೂ
ತೀರದು
ತೀರದ ದಾಹ
ತೀರದ ಮೋಹ!!

✒ಶಾಂತಾರಾಮ್ ಶೆಟ್ಟಿ.
〰〰〰〰〰💞

ವೈಫಲ್ಯ!

ವೈಫಲ್ಯ!
=====°°°°°🚣🏼‍♀

ನೀರು  ತಪ್ಪಿರಲಿಲ್ಲ
ತೇಲಿಸುವ
ಭರವಸೆಯ ಮಾತು!

ದೋಣಿಯನ್ನು
ಮುಳುಗಿಸಿದ್ದು
ಅದರೊಳಗಿನದೇ ತೂತು!!.

✍🏻 ಶಾಂತಾರಾಮ್ ಶೆಟ್ಟಿ

ನೀರೇ....!

ನೀರೇ....!
=====••••••••💦
ಸಾಂಬಾರು ನೀರೆ
ಸಾಗೂ ನೀರ್ ನೀರೇ
ಗಟ್ಟಿ ಚಟ್ನಿಯೂ ನೀರೇ

ಇವತ್ತು
ಸಂಡೆ ಬೇರೆ.....

ಅಡುಗೆ
ಮನೆಯೊಳಗಿರುವುದು
software ನೀರೆ!!.

✍🏻 ಶಾಂತಾರಾಮ್ ಶೆಟ್ಟಿ.

ಕಲಹ ಪ್ರಿಯರು!

ಕಲಹ ಪ್ರಿಯರು!
========°°°°°°🔥

ತ್ರಿಲೋಕ ಸುತ್ತಿ
ಬತ್ತಿಯಿಟ್ಟು ಕಾಯೋದು
ಅಗೋದಾ ಹೋಗೋದಾ
ಕಲಹ ಪ್ರಿಯ ನಾರದ?

ಬೆಂಕಿ ಇಡೋದಕ್ಕೆ
Facebook
Whatsapp ಇದೆ
ಈಗ
ಸಾಲದ್ದಕ್ಕೆ
ಎಲ್ಲೆಲ್ಲೂ
ಟಿವಿ ಚಾನೆಲ್ಲು....!

ನಾರದ
ನೀನೀಗ
Out dated Gadget,
ಸ್ವಲ್ಪನಾದ್ರೂ
update ಆಗಬಾರದ?!

✍🏻 ಶಾಂತಾರಾಮ್ ಶೆಟ್ಟಿ
============🔥

ಡಿಫೆಕ್ಟ್!

ಡಿಫೆಕ್ಟ್!
=====°°°°°👅
ಎಲ್ಲಾ
ಸರಿಹೋಯ್ತು
ಅನ್ನೋವಷ್ಟರಲ್ಲಿ
ಎಲ್ಲೋ ತಪ್ಪೋಯ್ತು
ಅನ್ನಿಸ್ತು
ಆ ಬ್ರಹ್ಮಂಗೂ!

ಒಂದು
ಅರ್ಧ ಇಂಚು
ಕಡಿಮೆ
ಇಡಬೇಕಿತ್ತು
ಹೆಂಗಸರಿಗೆ ಟಂಗೂ!!

✍🏻 ಶಾಂತಾರಾಮ್ ಶೆಟ್ಟಿ
•••••••••••••••••••••🌹

ಬಣ್ಣದ ಬದುಕು!

ಬಣ್ಣದ ಬದುಕು!
========°°°°°°🌈
ಆ
ಸಿನಿಮಾ
ಕಲಾವಿದನದ್ದು
ಇದು
ಐದನೇ ಮದುವೆ!

ಆಹಾ....
ಬಣ್ಣದ
ಬದುಕೆಂದರೆ
ಬಹುಶ: ಇದುವೇ!!

✍🏻 ಶಾಂತಾರಾಮ್ ಶೆಟ್ಟಿ

ಕತ್ತಲು!

ಕತ್ತಲು!
======•••⚫
ಬೆಳಿಗ್ಗಿನಿಂದ
ಸಂಜೆಯವರೆಗೆ
ಎಡೆಬಿಡದೆ ದುಡಿದು
ಬೆಳಕು
ಸುಸ್ತಾಗಿ......

ಇರುಳ
ಮನೆಯಲ್ಲಿ
ಸ್ವಲ್ಪ ಹೊತ್ತು
,ಮಲಗಿತ್ತು!!.

ಶಾಂತಾರಾಮ್ ಶೆಟ್ಟಿ.
========°°°°°°°

ತಮಸೋಮ..!

ತಮಸೋಮ..!
°°°°°°°°°°••••••••

ಕತ್ತಲೆಗೂ
ಕತ್ತಲಿನ ಬದುಕೇನೂ
ಇಷ್ಟವಿರಲಿಲ್ಲ.....

ಕತ್ತಲು
ದಿನಾ ಕತ್ತೆತ್ತಿ
ನೋಡುತ್ತಿದ್ದುದು
ಬೆಳಕಿನತ್ತಲೆ !!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰〰

ಆಸ್ತಿ!

ಆಸ್ತಿ!
°°°°°°°°••••••
ಬೂದಿ ರಾಶಿಯ
ಮೇಲೆ ಮಲಗಿದ್ದ
ನಾಯಿಯ
ಬಳಿ
ಸುಖವಾಗಿ
ಸುಳಿದಾಡುವ ನಿದ್ದೆ.....

ಶ್ರೀಮಂತನ
ಮೆತ್ತನೆ
ಹಾಸಿಗೆ ಬಳಿ
ಬರಲೇಕೋ
ಸತಾಯಿಸುತ್ತಿದೆ!

ಸುಖ ನಿದ್ದೆ
ಹಣವಂತನ ಸೊತ್ತಲ್ಲ!!.

ಶಾಂತಾರಾಮ್ ಶೆಟ್ಟಿ.
____°°°°°°.

ಸಮಭಾವ!

ಸಮಭಾವ!
========
ಸುಖ ದು:ಖ
ಗಳಲ್ಲಿ
ಕುಡುಕರದ್ದು
ಸಮಭಾವ!

ಗೆದ್ದವನ
ಜೊತೆ
ಹಾರ ತುರಾಯಿ
ಸೋತವನ
ಜೊತೆ ಕೂತು
ಕುಡಿತಾರೆ ಸರಾಯಿ!!

✒ಶಾಂತಾರಾಮ್ ಶೆಟ್ಟಿ
=========••••••🥃

ಜಾಗೃತಿ!

ಜಾಗೃತಿ!
=========
ಕಾಗೆ
ಕಾ....ಕಾ
ಎಂದು
ನನ್ನ
ಅಲಾರಾಂ ನ
ಎಬ್ಬಿಸಿತು!!

✍🏻ಶಾಂತಾರಾಮ್ ಶೆಟ್ಟಿ
〰〰〰〰〰
(ನನ್ನ ಎಬ್ಸೋದಕ್ಕೆ ಅಲಾರಾಂ ಕಾಗೆಯಷ್ಟು efficient ಅಲ್ಲ!!)

ಸೂಕ್ಮಾತಿ ಸೂಕ್ಷ್ಮ!

ಸೂಕ್ಮಾತಿ ಸೂಕ್ಷ್ಮ!
〰〰〰〰🔭🔬
ಗಂಡ ಅಣು
ಹೆಂಡತಿ
ದುರ್ಬೀನು!

ಅಣು
ಎಲ್ಲೇ
ಅಡಗಿಸಿಟ್ಟಿರೂ
ಕಂಡು ಹಿಡದೆ
ಬಿಡದು
ದುರ್ಬೀನು!!

✍🏻ಶಾಂತಾರಾಮ್ ಶೆಟ್ಟಿ
〰〰〰〰🔬🔭

ನಂಬಿಕೆಟ್ಟವರು!

ನಂಬಿಕೆಟ್ಟವರು!
=============
ಕುರುಬನ
ನಂಬಿದ್ದ ಕುರಿ
ನಿನ್ನೆ ಹೋಯ್ತು
ಮೇಲಕ್ಕೆ!

ಮೇಕೆ
ನೀನಾದ್ರೂ
ಸ್ವಲ್ಪ ಜೋಕೆ!

ಬುದ್ಧಿವಂತರು
ಯಾರನ್ನೂ
ನಂಬರು
ನರಿ
ತರ ಇರಿ !!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰🐐

ಆಂತರ್ಯ!

ಆಂತರ್ಯ!
=========
ಸೋಲಲ್ಲಿರುವ
ಗೆಲುವು
ನೋವಲ್ಲಿರುವ
ನಲಿವು....

ಮೊದಲು
ಅರ್ಥವಾದದ್ದು
ತಾಯಿಗೆ ಮಾತ್ರ !!

✍ಶಾಂತಾರಾಮ್ ಶೆಟ್ಟಿ.
▪▪▪▪▪▪
(ತಾಯಿಯ ಅಂತರಾಳ ಮುಳುಗಲಾರದಷ್ಟು  ಆಳ!).

ಮಾನವತೆ!

ಮಾನವತೆ!
〰〰〰🌏🌔🚶🏿

ಮಂಗಳನ ಮೇಲೆ
ಮನುಷ್ಯರಿದ್ದಾರಾ?

ಚಂದ್ರನ ಮೇಲೆ
ಮನುಷ್ಯರಿದ್ದಾರಾ?

ಎನ್ನೋ
ಜ್ಞಾನಿಗಳ ಜಿಜ್ಞಾಸೆಯ
ನಡುವೆ.....,

ಅಜ್ಞಾನಿ ಬಡ
ಬೋರನಿಗೂ
ಒಂದು
ಪ್ರಶ್ನೆಯಿದೆ!


ಭೂಮಿಯ
ಮೇಲೂ
ಮನುಷ್ಯರಿದ್ದಾರಾ?

✍ ಶಾಂತಾರಾಮ್ ಶೆಟ್ಟಿ.
〰〰〰🌏🌔🚶🏿

ಗುರುಬಲ!

ಗುರುಬಲ!
==========
ಕಾಗೆ
ಕಾ....ಕಾ ಅಂದ್ರೆ
ಕೋಗಿಲೆಯಾಗುತ್ತಾ?

ಸಂಗೀತದ ಸರಿಗಮ
ಪಾಪ
ಕಾಗೆಗೇನು ಗೊತ್ತು?
ಕೂ... ಕುಹೂ
ಅನ್ನಬೇಕಿತ್ತು!

✒ಶಾಂತಾರಾಮ್ ಶೆಟ್ಟಿ.
〰〰〰〰〰〰
(ಸ್ವಲ್ಪ spelling mistake ಮಾಡ್ತು, Coach ಸರಿ ಇದ್ದಿದ್ರೆ ಕಾಗೆನೂ ಕೋಗಿಲೆಯಾಗ್ತಿತ್ತು!)😀

ಬೇಡ!

ಬೇಡ!
===========📖
ಯಾರಿಗಾದೀತೂ
ಹೇಳಿ
ಈ ಪುಸ್ತಕ
ಮುದ್ರಣ -ಪ್ರಕಾಶನ
ಲೋಕಾರ್ಪಣ-ವಿತರಣ!

ರಗಳೆಯೇ ಬೇಡ,
ಬೇಡವೇ ಬೇಡ....
ಎಂದು
ಬೇಡ ವಾಲ್ಮೀಕಿ
ಬರೆದು ನಿಲ್ಲಿಸಿದನಾ
ಒಂದೇ ಒಂದು
ರಾಮಾಯಣ!!

✒ಶಾಂತಾರಾಮ್ ಶೆಟ್ಟಿ.
〰〰〰〰🔰📚
(ಆಮೇಲಿಂದ ವಾಲ್ಮೀಕಿ ಏನಾದ್ರೂ ಬರೆದನಾ?)

ನಂ-ದನ!

ನಂ-ದನ!
========

ಮುಂದೆ ಬಂದರೆ ಹಾಯದಿರಲು
ಹಿಂದೆ ಹೋದರೆ ಒದೆಯದಿರಲು
ಸಾಪ್ಟ್ ವೇರ್ ಹೆಂಡತಿಯೇನು
ದನ ಅಂದುಕೊಂಡಿದ್ದನ?

ಫೇಸ್ ಬುಕ್ಕು  ಸ್ವಲ್ಪ ಬದಿಗಿಕ್ಕು
ಜಾಸ್ತಿ ವಾಟ್ಸಪ್ಪು ತಪ್ಪು
ಅಂದಿದ್ದಕ್ಕೆ ಹಾಕದೆ ಸೊಪ್ಪು
ನಿನ್ನೆನೇ    ವಿಚ್ಛೇದನ !!.

✍ಶಾಂತಾರಾಮ್ ಶೆಟ್ಟಿ
〰〰〰〰〰〰
(ಗೋಳಾಡಿಸದೆ,ಗೋಣಾಡಿಸುವ ಹೆಂಡತಿ ಇದ್ರೆ ಮನೆ ನಂ-ದನ!)

ಮೋಸ!.

ಮೋಸ!.
=======🥃

ಈ ಮೋಸದಾ
ಮಾಯಾ
ಕುಡುಕರ ಬೆನ್ನೂ
ಬಿಟ್ಟಿಲ್ಲ ನೋಡಾ!


ಮೂರು ಪೆಗ್ಗಿನ
ನಂತರ
ಬಾರಿನವ
ಸುರಿದು ಕೊಟ್ಟಿದ್ದು
ವಿಸ್ಕಿಯಲ್ಲ
ಬರೀ  ಸೋಡಾ!!

✍ಶಾಂತಾರಾಮ್ ಶೆಟ್ಟಿ
〰〰〰〰〰🥃.
( ಕುಡೀಬೇಡ ಕುಡೀಬೇಡ ಬಾರಲ್ಲಿ ಮಾತ್ರ ಕುಡಿಬೇಡ...!😀)

ನಾನಲ್ಲ!

ನಾನಲ್ಲ!
〰〰〰〰
ನನ್ನನ್ನು ನಾನೇ
'ನಾನು'
ಎಂದು
ವಿನಯದಿಂದ
ನಾನಾಗಿ ಹೋಗಿ
ಪರಿಚಯಿಸಿದರೂ

ಆಧ್ಯಾತ್ಮದಲ್ಲಿ
'ನಾನು'
ಅಹಂ ಭಾವದ
ಭಾವವೆಂದರು
ವೇದಾಂತಿಗಳು!.

✍ಶಾಂತಾರಾಮ್ ಶೆಟ್ಟಿ
〰〰〰〰〰〰
( "ನಾನು" ಮೂಲದಲ್ಲೇ  ಉತ್ತಮ ಪುರುಷ!ಭಾವದ ವ್ಯತ್ಯಾಸವಿರುವುದು tone ನಲ್ಲಿ!).

ಒಳಗೊಳಗೆ!

ಒಳಗೊಳಗೆ!
==========
ಹೆಣ ಹೊತ್ತು
ಹೆಣ ಹೂತು
ಹೆಣ ಸುಟ್ಟು
ಬದುಕುವವರಿದ್ದಾರೆ!

ಸಾವಿನೊಳಗೂ
ಬದುಕಿದೆ!!.

✍🏻 ಶಾಂತಾರಾಮ್ ಶೆಟ್ಟಿ.

ದಡ್ಡರು!

ದಡ್ಡರು!
=========

ಕರಿ ಹಲಗೆ
ಮೇಲೆ ಅಕ್ಷರ
ಕಲಿತವರೆಲ್ಲಾ
ವಿದ್ಯಾವಂತರಾಗಿದ್ದಾರೆ,
ಕರಿಹಲಗೆ
ತಲೆಗೆ
ಒಂದಕ್ಷರವೂ
ವಿದ್ಯೆ ಹತ್ತಲೇ ಇಲ್ಲ!

ಏಣಿ
ಹತ್ತಿದವರೆಲ್ಲಾ
ಆಕಾಶದೆತ್ತರಕ್ಕೆ
ಏರಿದ್ದಾರೆ
ಏಣಿ ಇನ್ನೂ
ನೆಲ ಅಂತಸ್ತಿನ
ತಳ ಮೂಲೆ ಯಲ್ಲಿದೆ!

ಇತರರ
ಏಳಿಗೆಗೆ ಏಗಿದವರು
ತಾವು ಮಾತ್ರ
ಏಳಲಾರದಷ್ಟು
ಹೇಳಲಾರದಷ್ಟು
ದಡ್ಡರು!!

✍🏻ಶಾಂತಾರಾಮ್ ಶೆಟ್ಟಿ
〰〰〰〰〰〰
(ಲ್ಯಾಡರ್ ಆಗಬೇಡಿ, ಲೀಡರ್ ಆಗಿ!!)

ನಂ-Day!

ನಂ-Day!
====≠====
ತಂದೆ
ದಿನವೇನೋ ನಿಂದೇ!

ಆದರೆ
ಅಮ್ಮ ಹೇಳ್ತಾಳೆ
ಕಪ್ಪು ನಂದೇ!!.

▪ಶಾಂತಾರಾಮ್ ಶೆಟ್ಟಿ.
===============.

ಹರಿದಿದೆ!

ಹರಿದಿದೆ!
=========
ಹೊರಗೆ
ಮಳೆ ಸುರಿವಾಗ
ಹನಿ-ಹನಿಗೂ
ಕವಿತೆ ಹುಟ್ಟುತ್ತೆ💧

ಮನಸ್ಸಲ್ಲಿ
ಬಚ್ಚಿಡಲಾಗದ
ಭಾವನೆಗಳ ಹಾಳೆಗಳಲ್ಲಿ
ಬರೆದಿಟ್ಟರೂ ನಿಲ್ಲದೆ...,


ಹಾಗೇ ಹಾರಿ
ಹೋಗಿ
ಒದ್ದೆಯಾಗಿ
ಹರಿದು ಹೋಗುತ್ತೆ!!

--------ಶಾಂತಾರಾಮ್ ಶೆಟ್ಟಿ.
〰〰〰〰〰▪💦

ಅಧೀನ!

ಅಧೀನ!
==========
ಮಾತಾಡು ಅಪ್ಪಾ
ಇವತ್ತು
ನಿನ್ನದೇ ದಿನ!

ನಾಳೆಯಿಂದ
ಮಾಮೂಲಿ
ಅಮ್ಮನಾಧೀನ!!

✍🏻ಶಾಂತಾರಾಮ್ ಶೆಟ್ಟಿ.
▪▪▪▪▪▪
(ರಾತ್ರಿ ಹನ್ನೆರಡಕ್ಕೆ ನಿನ್ನ ಟೈಂ ಖತಂ!!😆)

ಅಪ್ಪಾ ನೀನು ಆಕಾಶ! ================

ಅಪ್ಪಾ ನೀನು ಆಕಾಶ!
================

ನಿನ್ನ ಪರಿಶ್ರಮದ
ಬೆವರ ಹನಿ
ಮಳೆಯಾಗಿ ಸುರಿದು
ಇಳೆಯೊಡಲು ತುಂಬಾ
ಹಚ್ಚಹಸಿರಿನ
ತೋರಣ ಕಟ್ಟಲು ಕಾರಣ
ಅಪ್ಪಾ
ನೀನು.......ಆಕಾಶ!

ಕಷ್ಟ ಕಾರ್ಮೋಡಗಳು
ಆವರಿಸಿ
ಕಳೆಗುಂದಿದರೂ
ಬಗ್ಗದೆ-ಕುಗ್ಗದೆ
ದುಡಿದು ಬಡಿದೆ
ಕಣ್ಣಿಂದ ಕಣ್ಣೀರು ಇಣುಕಿಲ್ಲ
ಸುರಿದದ್ದೆಲ್ಲಾ  ಒಡಲಿಂದ
ವಿಶ್ವಾಸದ ಬೆವರ ಹನಿಗಳು
ಅಪ್ಪಾ
ನೀನು........ಆಕಾಶ!

ತೊಡೆಯಿಂದ ಹೆಗಲಮೇಲೆ
ಏರಿಸಿ
ನಿನ್ನ ಎತ್ತರಕ್ಕೆ  ನನ್ನ ಬೆಳೆಯಲು
ವಿಕಾಸದ ಅವಕಾಶಗಳ
ಏಣಿ ಹಾಕಿ ಕೊಟ್ಟವನು
ಅಪ್ಪಾ
 ನೀನು..‌‌.‌..‌ ಅಕಾಶ!

ಅಪ್ಪಾ..... ನೀನು ಆಕಾಶ
ಆದಿ ಅಂತ್ಯಗಳ
ಅರಿವಾಗದಷ್ಟು ಆಳದವ
ನಾನು ಕತ್ತೆತ್ತಿ  ನೋಡುವಷ್ಟು
ಎತ್ತರ -ಎತ್ತರಕ್ಕೆ  ಬೆಳೆದವ !!

✍ಶಾಂತಾರಾಮ್ ಶೆಟ್ಟಿ.
〰〰〰〰〰〰
(ಅಪ್ಪಂದಿರಾಗಲು ಕಷ್ಟ ಪಟ್ಟವರಿಗೆಲ್ಲಾ ಅಪ್ಪನ ದಿನದ ಶುಭಾಶಯಗಳು!)

ನಂಬಿಕೆ!

ನಂಬಿಕೆ!
=======

ನಂಬಿಕೆಯನ್ನು
ನಂಬುವವರನ್ನು
ನಂಬಿದ್ರೆ
ಮಾತ್ರ
ನಂಬಿಕೆ ಮೇಲಿನ
ನಂಬಿಕೆ
ನಂಬಿಕೆಯಾಗೇ
ಉಳಿಯೋದು!

ನಂಬಿದ್ರೆ
ನಂಬಿ
ಬಿಟ್ರೆ ಬಿಡಿ!!.

✍🏻ಶಾಂತಾರಾಮ್ ಶೆಟ್ಟಿ.
(ನಂ ಗಂಟೇನೂ ಹೋಗಲ್ಲ...!😆

ನಂಬಿಕೆಟ್ಟವರು!

ನಂಬಿಕೆಟ್ಟವರು!
=============
ಕುರುಬನ
ನಂಬಿದ್ದ ಕುರಿ
ನಿನ್ನೆ ಹೋಯ್ತು
ಮೇಲಕ್ಕೆ!

ಮೇಕೆ
ನೀನಾದ್ರೂ
ಸ್ವಲ್ಪ ಜೋಕೆ!

ಹೇಳೋದೆಲ್ಲಾ
ಹೇಳ್ಬಿಟ್ಟಿದ್ದೇನೆ
ನನ್
ದೂರ್ ಬ್ಯಾಡ 
ಆಮ್ಯಾಕೆ!!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰🐐

ಕಾಲಿದ್ದು!

ಕಾಲಿದ್ದು!
========
ಪಾಪಿ
ಹೋದಲ್ಲಿ
ನೀರು
ಮೊಳಕಾಲುದ್ದ!

ತಪ್ಪು ನೀರಿದ್ದಾ?
ಪಾಪಿಯ
ಕಾಲೇ ಉದ್ದ!!

✍ ಶಾಂತಾರಾಮ್ ಶೆಟ್ಟಿ
〰〰〰〰〰〰
(ಉದ್ದದವರೆಲ್ಲಾ ಪಾಪಿಗಳು😀).

ಚೌರ್ಯ!

ಚೌರ್ಯ!
========
ನಿಮ್ಮ
ಕವನಗಳಲ್ಲಿ
ಡುಂಡಿರಾಜರ
ಪ್ರಭಾವ
ಕಾಣುತ್ತಿದೆ ಎದ್ದೆದ್ದು!

ಹೌದೌದು....
ಸತ್ಯ ನೀವ್ ಹೇಳಿದ್ದು
ನಾವು ಬರೆಯೋದು
ಅವರದ್ದೇ ಕದ್ದು ಕದ್ದು !!.

✍🏻 ಶಾಂತಾರಾಮ್ ಶೆಟ್ಟಿ😆
〰〰〰〰〰〰

ವಿಷಾದ ಯೋಗ!

ವಿಷಾದ ಯೋಗ!
============

ಪಾಪ ಬೇಡವೆಂದ
ಬೇಡ ವಾಲ್ಮೀಕಿ
ರಾಮ ನಾಮದ
ಪುಣ್ಯ ಬೇಕೆಂದ!

ಯುದ್ಧದ ಅಶಾಂತಿ
ಬೇಡವೆಂದ
ಅರ್ಜುನ
ಮನ ಶಾಂತಿ ಬೇಕೆಂದ!

ಆಸೆ ಬೇಡವೆಂದ
ಬುದ್ಧ
ನಿರ್ವಾಣ ಬೇಕೆಂದ!

ಎಲ್ಲೂ ಹೋಗಿಲ್ಲ,
ಬೇಡಗಳ ಬೆನ್ನಲ್ಲೇ
ಇನ್ನೂ
ಬೇಕುಗಳಿವೆ!

ಮುಂದಿನವನ
ಹಿಂದು
ಹಿಂದಿನವನಿಗೆ
ಮುಂದು!!

✍ಶಾಂತಾರಾಮ್ ಶೆಟ್ಟಿ.
〰〰〰〰〰〰

ಬೇಡಿಕೆ!

ಬೇಡಿಕೆ!
========💪
ಪ್ರಜಾಪ್ರಭುತ್ವದಲ್ಲಿ
ವಾಕ್ ಸ್ವಾತಂತ್ರ್ಯ
ಮೂಲಭೂತ
ಹಕ್ಕು.....!

ಅದು
ಗಂಡನಿಗೂ
ಬೇಕೇ ಬೇಕು!!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰😷

ಅಸ್ಪೃಶ್ಯತೆ! ==========

ಅಸ್ಪೃಶ್ಯತೆ!
==========
ದಲಿತ ಕೂಡಾ 
.
.
.

ಚಪ್ಪಲಿ
ಮನೆ
ಹೊರಗಿಟ್ಟ!!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰〰

ಹುಡುಕಾಟ!

ಹುಡುಕಾಟ!
========🙈

ಭಲೇ
ಎಂತಹ ಲೀಲೆ?
ದೇವನದ್ದು
ಕಣ್ಣಾಮುಚ್ಚಾಲೆ!

ದಿನಾ
ಹುಡುಕುತ್ತಿದ್ದಾನೆ
ಮನುಷ್ಯ
ಎಲ್ಲಿದ್ದಾನೆ,
ಎಲ್ಲಿದ್ದಾನೆ?!!.

✍ಶಾಂತಾರಾಮ್ ಶೆಟ್ಟಿ.
〰〰〰〰〰🙈.

ಪವರ್(ಕಟ್)!

ಪವರ್(ಕಟ್)!
==========
ಕಂಡಿದ್ದೀನಿ ಬಿಡ್ರಿ
ನಿಮ್ದು
ದಿನಾ ಇದ್ದದ್ದೇ
ಸಭೆ-ಸನ್ಮಾನ
ಫೋಟೋ-ಪೋಸು!

ಹೋಗಿ.....,
ಎತ್ಕೊಂಡು ಬನ್ನಿ
ಕಿತ್ಕೊಂಡು ಹೋಗಿದ್ದಾನೆ
ಕೆಇಬಿಯವನು
ಬೆಳಿಗ್ಯೆನೇ
ಮನೆ ಫ್ಯೂಸು!!

✍🏽ಶಾಂತಾರಾಮ್ ಶೆಟ್ಟಿ.
⚡⚡⚡⚡⚡⚡⚡

(ಲೈಫೇ confuse !😀)

ಹೊಂದಾಣಿಕೆ!

ಹೊಂದಾಣಿಕೆ!
==========
ಸಂಸಾರ
ಅಂದ್ಮೇಲೆ
ಇದ್ದದ್ದೇ ಜಗಳ
ನೋಡಿ ಕಲಿಬೇಕು
ಕಾಂಗ್ರೆಸ್ ಜನತಾದಳ!

ಹಳೆಯದೆಲ್ಲ
ಮರೆತು
ಉದಾರಿಯಾಗಿ
ಕೇಳಬೇಕು
ನಿನ್ನೆ ತಾನೆ..‌‌
ಇಂದು ಬೈದಳ?

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰😆

ಬೆಲೆ!

ಬೆಲೆ!
=======
ಮನೆಗೆ
ಅಕ್ಕಿ ಬೇಳೆ
ತರೋದು ಯಾರು
ಕವಿ ವರ್ಯರೇ....
ನಿಂ ಮಾವನೇ?

ಹಾರ-ತುರಾಯಿ
ಶಲ್ಯ-ಷರಾಯಿ
ಎತ್ತಿ ಬದಿಗಿಡಿ
ಮೊದಲು
ಕವರ್ ಒಡೆದು
ಎಷ್ಟಿದೆ ನೋಡಿ
ಸಂಭಾವನೆ!!.

✒ಶಾಂತಾರಾಮ್ ಶೆಟ್ಟಿ.
〰〰〰〰〰😀
(ಸದಾ ಸತಿಗೇ ಅದೇ ಚಿಂತೆ!!)

ಹುಡುಗಾಟ!

ಹುಡುಗಾಟ!
=========💃🏼
ಹುಡುಗ ಪುಲ್ಲಿಂಗ
ಹುಡುಗಾಟಕ್ಕಿಲ್ಲ ಲಿಂಗ
ತಾರತಮ್ಯ!

ಹುಡುಕಾಡಿ
ನೋಡಿ....

ಹುಡುಗಿಯರಲ್ಲೇನೂ
ಕಮ್ಮಿಯಿಲ್ಲ
ಹುಡುಗಾಟ!!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰💃🏼

ಪರಿಹಾರ!

ಪರಿಹಾರ!
========
ಬೈದರೂ
ಬೈಸ್ಕೋತಾರೆ
ಸೈಸ್ಕೋತಾರೆ
ಸಂಸಾರದಲ್ಲಿ
ಗಂಡಂದಿರು!

ಕುಡಿದು
ಎಲ್ಲಾ ಮರೀತಾರೆ
Science
ಪ್ರಕಾರ
Alcohol
ಒಂದು ಒಳ್ಳೇ solution!!

✒ಶಾಂತಾರಾಮ್ ಶೆಟ್ಟಿ.
〰〰〰〰〰🥃

(ಆ )ಗಧೆ!

(ಆ )ಗಧೆ!
〰〰〰
ಮದುವೆಯಾದ
ಗಂಡಸರೆಲ್ಲಾ
ದಡ್ಡರು!

ಕತ್ತೆ
ಬುದ್ದಿವಂತ ಪ್ರಾಣಿ,

ಆ ಗಧೆ
ಹಾಗೇ
ಉಳಿಯಿತು
ಮದುವೆ  ಆಗದೆ!

✒ಶಾಂತಾರಾಮ್ ಶೆಟ್ಟಿ.
〰〰〰〰〰〰〰

ಶಾಂತಾರಾಮ್ ಶೆಟ್ಟಿ

ಸೋಲು!

ಸೋಲು!
=======
ಹೆಣ್ಣಿನ ಹಟ
ಹಾಗೇನೆ...
ಜಗ್ಗೋದಿಲ್ಲ
ಬಗ್ಗೋದಿಲ್ಲ,!

ಗಂಡನಾದ್ರೆ ಏನು?
ಆನೆಯಾದ್ರೆ ಏನು?
ಕೊನೆಗೆ 
ಸೋಲೋದು
ಗಂಡಾನೇ!!

✒ಶಾಂತಾರಾಮ್ ಶೆಟ್ಟಿ.
〰〰〰〰🐘🐘

ಮಾಡಿದ್ದುಣ್ಣೋ...!!

ಮಾಡಿದ್ದುಣ್ಣೋ...!!
〰〰〰〰〰🍞🥚
ಸಾಪ್ಟ್ವೇರ್
ಹುಡುಗ - ಹುಡುಗಿ
ಪ್ರೀತಿಸಿ ಮದುವೆ
ರೋಮಿಯೋ
ಜೂಲಿಯೆಟ್!

ದಿನಾ
ಊಟಕೆ-ತಿಂಡಿಗೆ
ಈಗ
ಬ್ರೆಡ್ಡು & ಆಮ್ಲೆಟ್ಟು!!

✒ಶಾಂತಾರಾಮ್ ಶೆಟ್ಟಿ.
〰〰〰〰🥚🍞

ಗೂಬೆ!

ಗೂಬೆ!
======🦉▪

ಗೊತ್ತಿಲ್ಲದವನನ್ನು
ಗೊತ್ತಿಲ್ಲವೆಂದು
ಗೊತ್ತಿದ್ದವರು
ಗೂಬೆಯೆದುರೇ
ಗೂಬೆಯೆಂದರು!

ಗೂಬೆಗೂ
ಗೂಬೆ
ಗೂಬೆಯೆಂಬುದು
ಇನ್ನೂ ಗೊತ್ತಾಗಿಲ್ಲ!!

✒ಶಾಂತಾರಾಮ್ ಶೆಟ್ಟಿ.
〰〰〰🦉〰😇

(ಗೂಬೆನೂ ಗೂಬೆನೇ!!😀)

ಮತದಾರ!

ಮತದಾರ!
==========
ಕುರ್ಚಿಗೇರಲು
ಏಣಿ ಬೇಕು ಮತದಾರ,
ಏರಿದ ನಂತರ
ಯಾರಾದ್ರೂ-ಯಾಕಾದ್ರೂ
ನಿನ್ನ ನೆನಪಿಡುತ್ತಾರಾ?!

ಅಳೆದು ಎಳೆದು
ತೊಳೆದು-ಕಳೆದು
ಬಿಡುತ್ತಾರೆ
ಚಡ್ಡಿ ಚಲ್ಲಣ ಸೇರಿ
ಬಿಡದೇ
ಸೊಂಟದಲ್ಲಿರೋ
ನಿನ್ನ ಉಡಿದಾರ!!

✒ಶಾಂತಾರಾಮ್ ಶೆಟ್ಟಿ.
〰〰〰〰〰〰

(ಕನಿಷ್ಠ ಉಡಿದಾರ ಬಿಡೋನನ್ನಾದ್ರೂ ಆರಿಸಿ!!)

ಖಳ!

ಖಳ!
--------------🐑🦌

ಕುರುಬ
ದಿನಾ
ಪ್ರೀತಿಯಿಂದ
ಹುಲ್ಲು ತಿನ್ನಿಸುತ್ತಿದ್ದ!

ಕುರಿ
ನಂಬಿಕೆಯಿಂದ
ಬಾಲ ಅಲ್ಲಾಡಿಸಿ ತಿನ್ನುತ್ತಿತ್ತು!

ಮಾಂಸದಂಗಡಿಯಿಂದ
ಅಡ್ವಾನ್ಸ್  ತಕ್ಕೊಂಡು
ದುರಾಸೆ
ಅವಕಾಶಕ್ಕಾಗಿ
ಕತ್ತಿ ಮಸೆಯುತ್ತಿತ್ತು !!.

✒ಶಾಂತಾರಾಮ್ ಶೆಟ್ಟಿ.
〰〰〰〰〰🐑🦌

(ಕುರಿಯ ಪಾಲಿನ ಖಳನಾರು?)

ಲೆಕ್ಕ!

ಲೆಕ್ಕ!
➖➖➖➖➖
ನಮ್ಮ ಎಂ ಎಲ್ ಎ
ಆಸ್ತಿ
ಬರೀ
ನಲವತ್ತುಕೋಟಿ
ಅಷ್ಟೇ ಸ್ವಾಮಿ!

ಬಾಕಿದ್ದೆಲ್ಲಾ
ಬೇನಾಮಿ!!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰〰

kudka geetegalu

ಸಮಭಾವ!
〰〰〰〰🥃
ಕುಡಿದಾಗ
ಕುಡುಕರು
ಸಮಭಾವ ಪಡಿತಾರ!

ಆಗಾಗ
ಪಕ್ಕದ ಮನೆ
ಬಾಗಿಲು ಬಡಿತಾರ!!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰🥃

ಕಾರುಬಾರು!
===========
ಏನಿದ್ರೂ.....

ಇನ್ನು ಸ್ವಲ್ಪ ಹೊತ್ತು
ಕಾರುಬಾರು
ಆಮೇಲೆ ಕುಡುಕರು
ತನ್ನಷ್ಟಕ್ಕೆ
ಬಾಯಿ ಮುಚ್ಚುತ್ತಾರೆ!

ಹನ್ನೆರಡು ಗಂಟೆಗೆ
ಸರಿಯಾಗಿ
ಓನರು
ಬಾರು ಮುಚ್ಚುತ್ತಾರೆ!!

✒ಶಾಂತಾರಾಮ್ ಶೆಟ್ಟಿ.
================
(ರಂ ಇಲ್ಲದೆ ಧಂ ಇಲ್ಲ🥃😄)


ಒಂದೇ!
========
ಅವರ ಮನೆ-ಇವರ ಮನೆ
ಬೇರೆ-ಬೇರೆ
ಅನ್ನೋದೆಲ್ಲ ಸುಮ್ಮನೆ!

ಕುಡುಕರದ್ದು
ಅದ್ವೈತ ಸಿದ್ದಾಂತ....!

ಎಲ್ಲಾ
ಮನೆಗಳೂ ಒಂದೇ
ಎಲ್ಲಾ ಬಾಗಿಲುಗಳೂ ನಂಮ್ದೇ!!

✍🏻ಶಾಂತಾರಾಮ್ ಶೆಟ್ಟಿ.
➖➖➖➖➖🥃
( ಪರಮಾತ್ಮ ಒಳಗಿಳಿದು ಆತ್ಮನಲ್ಲಿ ವಿಲೀನವಾದರೆ ಎಲ್ಲಾ ಅವನಾಟ!)

ಇವರೂ ಅವರೇ!

ಇವರೂ ಅವರೇ!
〰〰〰〰〰

ಪ್ರಶ್ನೆಯಲ್ಲೇ
ಪ್ರಶ್ನೆಗೆ
ಉತ್ತರದ
ರಾಜಕಾರಣ!

ನನ್ನನ್ನು
ಕಳ್ಳ
ಅಂದಿಯೇನಾ?
ನೀನೇನು
ಭಾರೀ
ಸಾಚಾನಾ?!.

ಶಾಂತಾರಾಮ್ ಶೆಟ್ಟಿ.
〰〰〰〰〰〰
(ಕಳ್ಳರೇ ಎಲ್ಲರೂ😀).

ಬಂಧನ!

ಬಂಧನ!
〰〰〰🍁
ಬಂಧನದಲ್ಲೂ
ಸುಂದರ
ಬದುಕಿದೆ
ಎಂದು
ಸಾಧಿಸಿ
ತೋರಿಸಿದವ
ನಿಜ
ಸಂಸಾರಿ!!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰🤝🏾

(ತಾಳಿ ಕಟ್ಟಿಯೂ ಬಾಳುವ!)😍

ಧರ್ಮಸಂಕಟ!

ಧರ್ಮಸಂಕಟ!
==========
ಬಾಳೆ ಹಣ್ಣು
ತಿನ್ನೋದಕ್ಕೆ
ನನ್ನ
ಧರ್ಮದಲ್ಲಿ
ಎಲ್ಲಿದೆ
ವಿರೋಧ?

ನಿನ್ನ
ದೇವರ ಪ್ರಸಾದ
ದ
ಬಾಳೆಹಣ್ಣು
ತಿನ್ನುವುದು
ಮಾತ್ರ ಅಪರಾಧ!!.

✍🏻ಶಾಂತಾರಾಮ್ ಶೆಟ್ಟಿ.

ದರಿದ್ರ

ದರಿದ್ರ
〰〰〰🐕

ಬಡವನ
ಮನೆಯಂಗಳದಲ್ಲಿ
"ಅಮ್ಮಾ!"
ಎಂದ ಭಿಕ್ಷುಕ....

ಬಾಗಿಲು ತೆರೆಯಿತು!

ಶ್ರೀಮಂತನ
ಮನೆಯ
ಗೇಟಲ್ಲೇ
ನಾಯಿ ಬೊಗಳಿತು!!.

✒ಶಾಂತಾರಾಮ್ ಶೆಟ್ಟಿ.
〰〰〰〰〰🐕

ಉದಾರ!

ಉದಾರ!
========🌺
ಹೂವಿಂದ ಹೂವಿಗೆ
ದುಂಬಿ
ದಿನಾ
ಹಾರಿದರೂ .....

ಹೂವಿನದು
ಹೂವಿನಂತ
ಮನಸ್ಸು.....!

ಮರುದಿನ
ಮತ್ತದೇ
ನಗು ಮೊಗದ
ಸ್ವಾಗತ !!.

✒ಶಾಂತಾರಾಮ್ ಶೆಟ್ಟಿ.

(ಹೆಂಡತಿ ಹೂವಿನಷ್ಟು ಉದಾರಿಯಲ್ಲ!)

ತಳಮಳ!

ತಳಮಳ!
➖➖➖🌀

ದೂರದಲ್ಲಿ ನಿಂತು
ಯಾರೋ
ಪೋಲಿ ಹುಡುಗ
ಹೊಡೆದ ಕಲ್ಲು....,

ಎಲಾ ಎಲಾ
ಪ್ರಶಾಂತ
ಮನಸ್ಸೀಗ
ಅಲ್ಲೋಲ ಕಲ್ಲೋಲ!

✒ಶಾಂತಾರಾಮ್ ಶೆಟ್ಟಿ.
〰〰〰〰〰🌀

ಜಾರು-ಜಾಣರು!

ಜಾರು-ಜಾಣರು!
〰〰〰〰〰
ಬುದ್ಧ
ಮತ್ತೊಮ್ಮೆ ಹುಟ್ಟಿ ಬಾ!

ಗಾಂಧಿ
ಮತ್ತೊಮ್ಮೆ ಹುಟ್ಟಿ ಬಾ!

ಎಂದೆಲ್ಲಾ
ಗೋಗೆರೆಯುವ
ಸೋಗಲಾಡಿಗಳು.....,

ಯಾರೊಬ್ಬರೂ
ತಾವು
ಮತ್ತೊಬ್ಬ
ಬುದ್ಧನಾಗಲು
ಗಾಂಧಿಯಾಗಲು
ಪ್ರಯತ್ನಿಸಲೇ ಇಲ್ಲ!!.

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰🙊.

(ಜಾರು ಜಾಣರೇ ಎಲ್ಲಾ...)

ಹಳದಿಕಣ್ಣು!

ಹಳದಿಕಣ್ಣು!
=========
ಚಿನ್ನದಂತ ಅನ್ನ
ಚಿನ್ನದಂತ ಗುಣ
ಚಿನ್ನದಂತ ಹಣ್ಣು
ಚಿನ್ನದಂತ ಮಣ್ಣು!

ಚಿನ್ನಕ್ಕಿಂತ
ಮಿಗಿಲಾದುದನ್ನೂ
ಚಿನ್ನಕ್ಕೇ
ಹೋಲಿಸುವೆಯಲ್ಲೋ
ಹಳದಿಕಣ್ಣಿನ
ಡರ್ಟಿ ಫೆಲೋ?!!

(ಚಿನ್ನ ಬರೇ ಹಳದಿ ಲೋಹ. ಬೇಡ ವಿಪರೀತ ಮೋಹ!)

✍🏻ಶಾಂತಾರಾಮ್ ಶೆಟ್ಟಿ.

ಹಟ!

ಹಟ!
〰〰〰
ಛಲದೊಳ್
ಸುಯೋಧನ
ಛಲದಿಂದ್ಲೇ
ಸತ್ತೋದನ!

ಬೆಂಡಾಗದ
ಹಟದಿಂದ
ತುಂಡಾದ !!.

✍🏻ಶಾಂತಾರಾಮ್ ಶೆಟ್ಟಿ.
➖➖➖➖➖➖

ನಗು!

ನಗು!
➖➖➖〰
ಅವನಿಗೆ ಅವಳ
ಅವಳಿಗೆ ಅವನ
ಮೊದಲು
ಪರಿಚಯಿಸಿದ್ದೇ
ಆ ಒಂದು
ಕಿರುನಗು.....!

ನಗು
ಪರಿ ಪರಿ
ತಾಪ-ಸಂಹಾರಿ
ನಗುವೇ
ಪ್ರೀತಿ-ರಾಯಭಾರಿ!!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰〰😄

ಗಮಟು!

ಗಮಟು!
--------------
ಓದಿದ
ಮಗ ಫಾರಿನ್ನಿಂದ
ಬಂದವ್ನೆ
ಹಳ್ಳಿ
ಮನೆ ತುಂಬಾ
ಸೆಂಟಿನ ವಾಸನೆ !

ಅಪ್ಪ ರೈತ
ಮಣ್ಣಲ್ಲಿ ಬೆಳೆದವ
ಮಣ್ಣೇ  ಚಿನ್ನ
ಮಣ್ಣೇ ಚಿನ್ಮಯ...!

ಸೆಂಟಿಂದ
ಆವತರಿಸಿದ
ತಲೆನೋವು
ಹಿಡಿತುಂಬಾ
ಘಮ್ಮನೆಯ
ತೋಟದ ಮಣ್ಣು
ಮೂಸಿದಾಗ ಮಾಯ!!

✒ಶಾಂತಾರಾಮ್ ಶೆಟ್ಟಿ

ಅತೃಪ್ತ

ಅತೃಪ್ತ
〰〰〰
ಗಂಡಸರ
ಬುದ್ಧಿಗಿಷ್ಟು....

ದಾರಿಯುದ್ದಕ್ಕೂ
ಹೂವಿಟ್ಟು
ಹಣ್ಣಿಟ್ಟು
ಪೂಜಿಸಿ
ಪ್ರೀತಿಸಿದರೂ ಇಳೆ....!

ವಸಂತ
ಜೊತೆಗಿದ್ದುದು
ಬರೀ
ಎರಡು ತಿಂಗಳೇ!!

✍🏻ಶಾಂತಾರಾಮ್ ಶೆಟ್ಟಿ.
〰〰〰〰🍃🍁
(ಚೈತ್ರ-ವೈಶಾಖ,ವಸಂತ ಮಾಯಕ!!)

ಶಿಕ್ಷೆ

ಶಿಕ್ಷೆ
〰〰🐋

ಬಲೆಯೊಳಗೆ
ಬಂಧಿ
ಮೀನು.......

ಸಿಗಲಿಲ್ಲ
ಕೊನೆಗೂ
ಜಾಮೀನು!

ಶಿಕ್ಷೆ
ಖಚಿತ....
ಮರಣದಂಡನೆ!!

✍🏻ಶಾಂತಾರಾಮ್ ಶೆಟ್ಟಿ
〰〰〰〰〰🐋

ಕಲಬೆರಕೆ!

ಕಲಬೆರಕೆ!
〰〰〰〰
ರಾಜಕೀಯದಲ್ಲಿ
ಯಾರೂ ಶತ್ರುವಲ್ಲ
ಯಾರೂ ಮಿತ್ರರಲ್ಲ!

ನಿನ್ನೆ ಕೈ
ಇಂದು ಕಮಲ
ನಾಳೆ ಪೊರಕೆ!

ರಾಜಕಾರಣಿಯ
ರಕ್ತದ ಗುಂಪೇ
ಕಲಬೆರಕೆ!!.

✍🏻ಶಾಂತಾರಾಮ್ ಶೆಟ್ಟಿ.

ಪ್ರೀತಿ ಸುಮ!🌷

ಪ್ರೀತಿ ಸುಮ!🌷
➖➖➖➖➖💞
ಪ್ರೀತಿಗೆ
ಪ್ರೀತಿ ಮೇಲಿರುವ
ನಂಬಿಕೆಯ ನಂಬಿ
ಅಭಿನಂದಿಸಲು
ಆ ಮರ
ಮೈ ತುಂಬಾ
ಹೂವು ಅರಳಿಸಿದ್ದು!

ಪ್ರೀತಿ ಸುಮ
ಸದಾ
ಘಮ ಘಮ !!

✍🏻ಶಾಂತಾರಾಮ್ ಶೆಟ್ಟಿ.
➖➖➖➖🍁🍃

ಓದುಗ!

ಓದುಗ!
===========
ಎಂತೆಂಥಹ
ಪ್ರೇಮಿಗಳ
ಪ್ರೇಮಕಾವ್ಯಗಳಿಗೆ
ಕಣ್ಣಾಗಿಲ್ಲ
ಕಿವಿಯಾಗಿಲ್ಲ
ಆ  ಮರ?!

ಓದುಗರ
ಸಾಕ್ಷಿಯಿದ್ದರೆ
ಸಮ್ಮತಿಯಿದ್ದರೆ
ಮಾತ್ರ
ಪ್ರೇಮಕಾವ್ಯಗಳು
ಅಮರ!!.

✍ಶಾಂತಾರಾಮ್ ಶೆಟ್ಟಿ
〰〰〰〰〰〰
(ಮರ ಎಷ್ಟು ಅಮರ ಪ್ರೇಮ  ಕಾವ್ಯಗಳನ್ನು ಓದಿರಬಹುದು?💞)

ಆಂತರ್ಯ!

ಆಂತರ್ಯ!
=========
ಸೋಲಲ್ಲಿರುವ
ಗೆಲುವು
ನೋವಲ್ಲಿರುವ
ನಲಿವು....

ಮೊದಲು
ಅರ್ಥವಾದದ್ದು
ತಾಯಿಗೆ ಮಾತ್ರ !!

✍ಶಾಂತಾರಾಮ್ ಶೆಟ್ಟಿ.
▪▪▪▪▪▪
(ತಾಯಿಯ ಅಂತರಾಳ ಮುಳುಗಲಾರದಷ್ಟು  ಆಳ!).

ಬಂಧನ!

ಬಂಧನ!
〰〰〰
ಮದುವೆಗೆ
ಮೊದಲು
ಹೇಳಿದ್ದ....

ನಿನ್ನನ್ನು
ಗಿಣಿ ತರ
ನೋಡ್ಕೋತೇನೆ!

ಮಾತಿನಂತೆ
ಈಗ
ಪಂಜರದಲ್ಲಿಟ್ಟಿದ್ದಾನೆ!.

✍ ಶಾಂತಾರಾಮ್ ಶೆಟ್ಟಿ
〰〰〰〰〰

ಉದ್ಭವ!

ಉದ್ಭವ!
〰〰〰〰💦
ನಿಮ್ಮಿಷ್ಟಕ್ಕೆ
ಕವಿತೆ
ಹುಟ್ಟುವುದಿಲ್ಲ.....!

ಒಮ್ಮೊಮ್ಮೆ
ಭಾವದುದ್ಭವ
ಮತ್ತೊಮ್ಮೆ
ಭಾವದಭಾವ !

ತನ್ನಷ್ಟಕ್ಕೇ
ತನ್ನಿಷ್ಟಕ್ಕೇ
ಆವಿರ್ಭಾವ
ಕವಿತೆಯ
ಸ್ವಭಾವ !

✍🏽ಶಾಂತಾರಾಮ್ ಶೆಟ್ಟಿ

ತಿರುವು!

ತಿರುವು!
〰〰〰〰
ಬಿಡುಗಡೆಯ
ನಂತರವಾದರೂ
ಬುದ್ಧಿ ಬಂದೀತು

ಇನ್ನಾದರೂ
ಸುಳ್ಳು
ಸತ್ಯ ಹೇಳಬಹುದು
ಎಂದು
ಜನ ನಂಬಿದ್ದರು..!

ಸುಳ್ಳು ಮಾತ್ರ
ಲೋಕಾಯುಕ್ತಕ್ಕೆ
ಸಿಕ್ಕಿ ಬಿದ್ದು
ಜಾಮೀನಿನ ಮೇಲೆ
ಹೊರಬಂದ
ಕಳ್ಳ
ರಾಜಕಾರಣಿಯಂತೆ...

ನನ್ನ ಏಳಿಗೆ
ಸಹಿಸದೆ
ಸುಳ್ಳು ಹೇಳಿದ
ಸತ್ಯ
ಎಂದು 
ಆರೋಪಿಸಿತು!!

✍ಶಾಂತಾರಾಮ್ ಶೆಟ್ಟಿ
〰〰〰〰〰〰
(ರಸ್ತೆ ಅಂದ್ಮೆಲೆ ತಿರುವು ಇರಲೇಬೇಕು!)😃🙏

ಬೇಡಿಕೆ!

ಬೇಡಿಕೆ!
〰〰〰🙏

ಹಾಲಾದರೂ
ಹಾಕು
ನೀರಾದರೂ
ಹಾಕು
ಎಂದ ಭಕ್ತ

ದೇವರೆದುರು
ಹಿಡಿದದ್ದು
ಹಾಲಿನ ಪಾತ್ರೇನೇ!!

✍ಶಾಂತಾರಾಮ್ ಶೆಟ್ಟಿ.
〰〰〰〰〰〰

(ಪಾತ್ರೆ ನೋಡಿಯಾದರೂ ಹಾಲು ಹಾಕಲಿ ಎಂದು!!)😄

ಸಂಶಯ!

ಸಂಶಯ!
➖➖➖➖👀
ಮನೆಯ
ಸಮಾರಂಭದಲ್ಲಿ
ಬಂಧುಗಳು ಇರುವಲ್ಲಿ
ಖಜಾನೆಗೆ
ಬೀಗ ಹಾಕಿದ್ದು
ಕಳ್ಳರಿದ್ದಾರೆ ಎಂದಲ್ಲ...!

ಸಂಬಂಧ
ಮತ್ತು
ನಂಬಿಕೆಯನ್ನು
ನಮ್ಮೊಳಗೇ
ಉಳಿಸಿಕೊಳ್ಳುವ
ಅಲ್ಪ ಪ್ರಯತ್ನ!!

✍🏽ಶಾಂತಾರಾಮ್ ಶೆಟ್ಟಿ
( ಸಂಶಯದ ದೃಷ್ಟಿಗೆ ಸಚ್ಚಾರಿತ್ರ್ಯನೂ ಕಳ್ಳನೇ!)

ಮಾನವತೆ!

ಮಾನವತೆ!
〰〰〰🌏🌔🚶🏿

ಮಂಗಳನ ಮೇಲೆ
ಮನುಷ್ಯರಿದ್ದಾರಾ?

ಚಂದ್ರನ ಮೇಲೆ
ಮನುಷ್ಯರಿದ್ದಾರಾ?

ಎನ್ನೋ
ಜ್ಞಾನಿಗಳ ಜಿಜ್ಞಾಸೆಯ
ನಡುವೆ.....,

ಅಜ್ಞಾನಿ ಬಡ
ಬೋರನಿಗೂ
ಒಂದು
ಪ್ರಶ್ನೆಯಿದೆ!


ಭೂಮಿಯ
ಮೇಲೂ
ಮನುಷ್ಯರಿದ್ದಾರಾ?

✍ ಶಾಂತಾರಾಮ್ ಶೆಟ್ಟಿ.
〰〰〰🌏🌔🚶🏿

ಅಭಿವೃದ್ಧಿ!

ಅಭಿವೃದ್ಧಿ!
〰〰〰〰🐸

ಹೆಂಡತಿ ಮಕ್ಕಳು
ಜೊತೆಯಲ್ಲಿ
ಮುದಿ ಅಪ್ಪನ ಗುಟುರು
ಜಗುಲಿಯಲ್ಲಿ ಹಾಡುತ್ತಾ
ಹೂ ಕಟ್ಟುವ ಅಮ್ಮ!

ಹಳ್ಳಿ
ಬಾವಿಯೊಳಗಿನ
ಕಪ್ಪೆಯದ್ದು
ಸುಂದರ ಸಮೃದ್ಧ ಸಂಸಾರ.....,

ಬಾವಿ ಮೇಲೆ
ಏರಿ
ಹಾರಿ
ಅಮೇರಿಕಾಕ್ಕೆ ಹೋದ
ಕಪ್ಪೆಗೆ
ಅಪ್ಪನ ಶ್ರಾದ್ಧಕ್ಕೂ
ಬರಲಾಗಲಿಲ್ಲ!!

✍🏽ಶಾಂತಾರಾಮ್ ಶೆಟ್ಟಿ.
〰〰〰〰〰🐸
(ಮನಸ್ಸನ್ನು ಕಲ್ಲು ಮಾಡಿಸುವ software ಕೂಡಾ ಇದೆಯಂತೆ!)

ನಾನಲ್ಲ!

ನಾನಲ್ಲ!
〰〰〰〰
ನನ್ನನ್ನು ನಾನೇ
'ನಾನು'
ಎಂದು
ನಾನಾಗಿ ಹೋಗಿ
ಪರಿಚಯಿಸಿದರೂ

ಆಧ್ಯಾತ್ಮದಲ್ಲಿ
'ನಾನು'
ಅಹಂ ಭಾವದ
ಭಾವವೆಂದರು
ವೇದಾಂತಿಗಳು!.

✍ಶಾಂತಾರಾಮ್ ಶೆಟ್ಟಿ
〰〰〰〰〰〰
( "ನಾನು" ಮೂಲದಲ್ಲೇ  ಉತ್ತಮ ಪುರುಷ!ಭಾವದ ವ್ಯತ್ಯಾಸವಿರುವುದು tone ನಲ್ಲಿ!).

ಸಂಪತ್ತು!

ಸಂಪತ್ತು!
〰〰〰🐟
ಜೀವಮಾನವಿಡೀ
ಅಪ್ಪ ದುಡಿದಿಟ್ಟದ್ದು
ಏಳು ಸಾವಿರ ಕೋಟಿ!

ಏಳು
ಜನ್ಮಕ್ಕೆ
ಕೂತುಣ್ಣುವಷ್ಟು!

ಸದ್ಗತಿಗೆ
ಸಂಗಮದಲ್ಲಿ
ಬೂದಿ ನೀರಲ್ಲಿ ಬಿಟ್ಟಾಗ.....
ಮೀನುಗಳು
ನಕ್ಕಿದ್ದೇ ನಕ್ಕಿದ್ದು!

ಒಂದೇ ಕ್ಷಣ
ಅಪ್ಪ ಮಾಯ!

✍🏽ಶಾಂತಾರಾಮ್ ಶೆಟ್ಟಿ.
〰〰〰〰〰🐟

ಹೇಳಿಕೆ!

ಹೇಳಿಕೆ!
=======
ಹಾರಿ ಹಾರಿ
ದ್ರಾಕ್ಷಿ ಹುಳಿ
ಎಂದಿದ್ದ
ನರಿ
ನಿನ್ನೆ ಹೇಳಿಕೆ
ಬದಲಿಸಿತು!

ನನ್ನ ಜನರು ತಿನ್ನಲಿ
ಎಂದು
ನಾ ತ್ಯಾಗ ಮಾಡಿದೆ!

ನರಿ
ಮೊನ್ನೆ ಮೊನ್ನೆ
ರಾಜಕೀಯಕ್ಕೆ
ಸೇರಿದೆ!

✍ಶಾಂತಾರಾಮ್ ಶೆಟ್ಟಿ

ಹುತ್ತ!

ಹುತ್ತ!
➖➖➖🐍
ಗೆದ್ದಲಿನ
ಮನೆಯಲ್ಲಿ
ಹಾವಿದೆ !

ಗೆದ್ದಲೇ
ಕಾಣ್ತಾ ಇಲ್ಲ.....

ಹಾವಿನ
ಸುತ್ತ
ಅನುಮಾನದ
ಹುತ್ತ!.

✍🏽ಶಾಂತಾರಾಮ್ ಶೆಟ್ಟಿ.
〰〰〰〰〰〰🐍

ಸಮಾನರು!

ಸಮಾನರು!
〰〰〰〰
ಸಮಾನತೆ
ಮತ್ತು
ಸಾಮಾಜಿಕ ನ್ಯಾಯ
ಚರ್ಚಾಗೋಷ್ಠಿಯ
ಮಂದಿನ ಸಾಲಿನ
ಕುರ್ಚಿಗಳು
ವಿಐಪಿಗಳಿಗೆ !

ಬಡ
ಬೋರೇ ಗೌಡ
ನೀ
ಹಿಂದಕ್ಕೋಗು....,

ದೊಡ್ಡವರ
ದಾರಿಗಡ್ಡ
ಬರಬಾರದು!

✒ಶಾಂತಾರಾಮ್ ಶೆಟ್ಟಿ.
➖➖➖➖➖➖

ಸಿಗ್ನಲ್ ಕವಿತೆಗಳು!

ಸಿಗ್ನಲ್ ಕವಿತೆಗಳು!
🚦🚥🚥🚥🚥🚥
೧.
ಆ ಚೆಲುವೆಯ
ನಾ
ದಿಟ್ಟಿಸುತ್ತಿದ್ದರೆ
ಸಿಗ್ನಲ್ಗೂ
ಹೊಟ್ಟೆ ಉರಿ
ಕಣ್ಣು ಕೆಂಪು!❤

೨.
ಸಣ್ಣ ಟಿವಿಎಸ್
ಹೆಂಡತಿ
ಇಬ್ಬರು ಮಕ್ಕಳು
ಬಡವನ ಬದುಕು
ಸಾಗುತ್ತಿದೆ
ನಿಧಾನ....
ಎಲ್ಲೋ-ಎಲ್ಲೆಲ್ಲೋ!💛

೩
ಯಾವತ್ತೂ
ಮುಖ
ನೋಡದವಳು
ಇವತ್ತು ನಕ್ಕಳು
ಅಷ್ಷೇ ಸಾಕು
ಪ್ರೀತಿಗದೇ
ಗ್ರೀನ್ ಸಿಗ್ನಲ್ಲು!💚

✍ಶಾಂತಾರಾಮ್ ಶೆಟ್ಟಿ
🚥🚥🚥🚥🚥🚦

ಅವಸರ ಪುರುಷ!
➖➖➖➖➖
ಸಿಗ್ನಲ್
ಮುಗಿಯುತ್ತಿದ್ದಂತೆ
ಅವನದು
ಶರವೇಗ..

ಮುಂದಿನ
ಸಿಗ್ನಲ್ ನಲ್ಲಿ
ಮತ್ತೆ ಸಿಕ್ಕ
ಮತ್ತೆ ನಕ್ಕ !!😃
〰〰〰〰〰▪

ಶಬ್ದ!

ಶಬ್ದ!
〰〰〰〰💥🔥
ಕನ್ನಡದಲ್ಲಿ
ಪಟಾಕಿ
ಅನ್ನೋದು ಒಂದು ಶಬ್ದ
ಹೆಂಡತಿ
ಅನ್ನೋದೂ ಒಂದು ಶಬ್ದ.

ಆದರೂ
ಹೆಂಡತಿ ಮಾಡೋಷ್ಟು
ಶಬ್ದ
ಪಟಾಕಿ ಮಾಡ್ತಿಲ್ಲ !!.

✍ಶಾಂತಾರಾಮ್ ಶೆಟ್ಟಿ.
〰〰〰〰🔥💥
(Sound Engineer ಗಳಿಗೆ ಇದು ಇಂದಿಗೂ ಒಂದು ಸವಾಲು...😄)

ಕೋಣಗಳು!

ಕೋಣಗಳು!
➖➖➖➖🐃
ನಮ್ಮ
ಗ್ರಾಮೀಣ ಕ್ರೀಡೆಯ
ಅಸ್ತಿತ್ವಕ್ಕೇ
ಕಾಟ
ಕೊಡುವ
PETA....!

ಕಂಬಳದಲ್ಲಿ
ಹಿಂಸೆಯಿಲ್ಲ
ಅಂದರೂ
ಅರ್ಥವಾಗದಷ್ಟು


ಕೋಣಗಳು !!

✍🏽ಶಾಂತಾರಾಮ್ ಶೆಟ್ಟಿ.
〰〰〰〰〰🐃

ಬೆತ್ತಲೆ ಜಗತ್ತು!

ಬೆತ್ತಲೆ ಜಗತ್ತು!
➖➖➖➖➖🙈
ಜಗತ್ತು
ನಾವಂದುಕೊಂಡಂತೆ
ಇಲ್ಲ....
ಎಲ್ಲಾ ಬೊಗಳೆ !

ಖಾದಿಯೊಳಗೆ
ಗಾಂಧಿ
ಕಾವಿಯೊಳಗೆ
ವಿವೇಕಾನಂದರು
ಇರಲೇ
ಬೇಕಂತೇನೂ ಇಲ್ಲ!

ಬಟ್ಟೆಯೊಳಗೆ
ಎಲ್ಲರೂ
ಬೆತ್ತಲೆ !!

✒ಶಾಂತಾರಾಮ್ ಶೆಟ್ಟಿ.
➖➖➖➖➖➖

ಕಣ್ಣೀರು..💧

ಕಣ್ಣೀರು..💧
➖➖➖➖

ಒಡಲೊಳಗೆ
ಬೆಂಕಿ
ಬಿದ್ದಿರಬೇಕು...

ಕಣ್ಣೀರೂ
ಬಿಸಿಯಾಗಿದೆ !


ನೋವು
ಸಾಗರದಷ್ಟಿರಬೇಕು

ಹನಿ ಹನಿಯೂ
ಉಪ್ಪಾಗಿದೆ !!

✍ಶಾಂತಾರಾಮ್ ಶೆಟ್ಟಿ
➖➖➖➖👁💧

ಅಸಹ್ಯ!

ಅಸಹ್ಯ!
======
ಭ್ರಷ್ಟನ
ವೇದಿಕೆ ಮೇಲೆ
ಕುಳ್ಳಿರಿಸಿ
ಎಲ್ಲಾ
ಕೊಳಕು-ಹುಳುಕು
ಮುಚ್ಚಿಟ್ಟು
ಕೈ ನೋಯುವಷ್ಟು
ಚಪ್ಪಾಳೆ ತಟ್ಟಿ
ಹೊಗಳಿದರು....‌
ಹೊಗಳಿದರು...‌.!

ಅಸಹ್ಯವೆನಿಸಿತೇನೋ
ವೇದಿಕೆಗೆ
ನಡುಭಾಗದಲ್ಲೇ
ಮುರಿದು ಬಿತ್ತು.!!.

✍ ಶಾಂತಾರಾಮ್ ಶೆಟ್ಟಿ.

ಪಥ!

ಪಥ!
➖➖🚶🏿

ದಿನಾ
ತಿಂಗಳು
ಸತ್ಸಂಗ
ಮಹಾಪುರುಷರ
ಪ್ರವಚನಗಳೇ
ಬೇಕೆಂದೇನೂ ಇಲ್ಲ..
ಜನ ಮನ
ಪರಿವರ್ತಿಸಲು
ಜೀವನದಲ್ಲಿ
ದಾರಿ ಬದಲಿಸಲು..

ಬರೀ
ಐನೂರು
ರೂಪಾಯಿ
ಸಾಲ ಕೊಡಿ
ಆಮೇಲ್ ನೋಡಿ!!

✍ಶಾಂತಾರಾಮ್ ಶೆಟ್ಟಿ
➖➖➖➖➖🚶🏿
( ನಿಮ್ ಮನೆ ಕಡೆ ದಾರಿ ತುಳಿದರೆ ಒಂದು miss call ಕೊಡಿ).

ಕುರುಡು ಪ್ರೇಮ!

ಕುರುಡು ಪ್ರೇಮ!
➖➖➖➖👁

ಇಲ್ಲ
ಮಾತಾಡೇ ಇಲ್ಲ  !


ಪ್ರೇಮಿಗಳಾಗಿದ್ದಾಗ
ಬರೀ
ಅವಳ
ಕಣ್ಣಂಚ ಮಿಂಚೇ
ಮಾತಾಗಿ
ಮಾತಾಗಿ....!

ಮದುವೆಯಾದ
ಮೇಲೇನೇ
ಗೊತ್ತಾಗಿದ್ದು
ಆಕೆ.....







ಮೂಗಿ!!.

✍ ಶಾಂತಾರಾಮ್ ಶೆಟ್ಟಿ.

(ಕಣ್ಣಂಚಿನ ಆ ಮಾತಲ್ಲಿ...
ಏನಿತ್ತೋ !)😄

ಸಾ(ವಯ)ವ?!

ಸಾ(ವಯ)ವ?!
〰〰〰〰

ರೈತನ
ಹೊಲದ ತುಂಬಾ
ಆಗೆಲ್ಲಾ
ಮಣ್ಣು ಹುಲ್ಲು
ಕಲ್ಲು...

ಈಗ
ಬರೇ ಕೆಮಿಕಲ್ಲು !!

✍ಶಾಂತಾರಾಮ್ ಶೆಟ್ಟಿ.

ಕುರುಡು ಪ್ರೇಮ!

ಕುರುಡು ಪ್ರೇಮ!
➖➖➖➖👁

ಇಲ್ಲ
ಮಾತಾಡೇ ಇಲ್ಲ  !


ಪ್ರೇಮಿಗಳಾಗಿದ್ದಾಗ
ಬರೀ
ಅವಳ
ಕಣ್ಣಂಚ ಮಿಂಚೇ
ಮಾತಾಗಿ
ಮಾತಾಗಿ....!

ಮದುವೆಯಾದ
ಮೇಲೇನೇ
ಗೊತ್ತಾಗಿದ್ದು
ಆಕೆ.....







ಮೂಗಿ!!.

✍ ಶಾಂತಾರಾಮ್ ಶೆಟ್ಟಿ.

(ಕಣ್ಣಂಚಿನ ಆ ಮಾತಲ್ಲಿ...
ಏನೋ  ತುಂಬಿತ್ತು !)😄

ಸಾ(ವಯ)ವ?!

ಸಾ(ವಯ)ವ?!
〰〰〰〰

ರೈತನ
ಹೊಲದ ತುಂಬಾ
ಆಗೆಲ್ಲಾ
ಮಣ್ಣು ಹುಲ್ಲು
ಹಟ್ಟಿ  ಗೊಬ್ಬರ ಎಲ್ಲೆಲ್ಲೂ

ಈಗ
ಬರೇ ಕೆಮಿಕಲ್ಲು !!

✍ಶಾಂತಾರಾಮ್ ಶೆಟ್ಟಿ.
➖➖➖➖➖➖

ಬೇಜವಾಬ್ದಾರಿ!

ಬೇಜವಾಬ್ದಾರಿ!
➖➖➖➖〰
ಎಲ್ಲರ
ಮನೆ ಹೊತ್ತಿ
ಉರಿಯುವಾಗಲೂ
ಗೃಹಸಚಿವರು
ಮನೆಯಲ್ಲಿ
ಪಿಟೀಲು ಬಾರಿಸುತ್ತಿದ್ದರು...,

ಅವರ
ರೋಮವೂ
ಸುಟ್ಟಿಲ್ಲವಂತೆ!!.

✍ಶಾಂತಾರಾಮ್ ಶೆಟ್ಟಿ.
〰〰〰〰〰🔪
(ಪ್ಲಾಸ್ಟಿಕ್ ಚೂರಿಯಾದ್ದರಿಂದ ಮೆಟಲ್ ಡಿಟೆಕ್ಟರ್ ಕಣ್ಮುಚ್ಚಿಕೊಂಡಿತ್ತು!!)

ಗುರಿ!

ಗುರಿ!
〰〰〰🔪
ಇಲ್ಲಿ
ಸರಕಾರದ
ತಪ್ಪೇನಿಲ್ಲ...!

ಸರಕಾರಕ್ಕೆ
ಲೋಕಾಯುಕ್ತ
ಸಾಯಬೇಕಿತ್ತು
ಅಷ್ಟೇ...,
ಲೋಕಾಯುಕ್ತರಲ್ಲ!!.

✍ಶಾಂತಾರಾಮ್ ಶೆಟ್ಟಿ.
➖➖➖➖➖🔪
(ಗುರಿ ತಪ್ಪಿದರೆ ಎರಡು ಹಕ್ಕಿ...!)😥

ನಿಶ್ಚಿತ!

ನಿಶ್ಚಿತ!
➖➖➖
ಸಾವಿಲ್ಲದ
ಮನೆಯ
ಸಾಸಿವೆ ತರಲು ಹೋದವ
ಇನ್ನೂ ವಾಪಸು ಬಂದಿಲ್ಲ....

ಬಹುಶ:
ಅವನೂ
ಸತ್ತಿರಬೇಕು!!

👻
✍ಶಾಂತಾರಾಮ್ ಶೆಟ್ಟಿ.

ಮತ್ತು!

ಮತ್ತು!
🥀🥀🥀

ಆ
ಚೆಂದುಳ್ಳಿಗೆ
ಮುತ್ತನಿತ್ತು
ದುಂಬಿ
ಹಾರಾಡುವಾಗ
ತೂರಾಡುತ್ತಿತ್ತು....

ನಿಜ
ಆ
ಪ್ರೀತಿ ಮಧುವಲ್ಲಿ
ಅಂತಹ
ಮತ್ತು ಇತ್ತು!!.

✒ಶಾಂತಾರಾಂ ಶೆಟ್ಟಿ.
➖➖➖➖➖🥀

ಸಿಗ್ನಲ್ ಕವಿತೆಗಳು

!ಸಿಗ್ನಲ್ ಕವಿತೆಗಳು

🚦🚥🚥🚥🚥🚥

೧.

ಆ ಚೆಲುವೆಯ

ನಾ

ದಿಟ್ಟಿಸುತ್ತಿದ್ದರೆ

ಸಿಗ್ನಲ್ಗೂ

ಹೊಟ್ಟೆ ಉರಿ

ಕಣ್ಣು ಕೆಂಪು!❤

೨.

ಸಣ್ಣ ಟಿವಿಎಸ್

ಹೆಂಡತಿ

ಇಬ್ಬರು ಮಕ್ಕಳು

ಬಡವನ ಬದುಕು

ಸಾಗುತ್ತಿದೆ

ನಿಧಾನ....

ಎಲ್ಲೋ-ಎಲ್ಲೆಲ್ಲೋ!💛

೩

ಯಾವತ್ತೂ

ಮುಖ

ನೋಡದವಳು

ಇವತ್ತು ನಕ್ಕಳು

ಅಷ್ಷೇ ಸಾಕು

ಪ್ರೀತಿಗದೇ

ಗ್ರೀನ್ ಸಿಗ್ನಲ್ಲು!💚

✍ಶಾಂತಾರಾಮ್ ಶೆಟ್ಟಿ

ಸ್ನೇಹಿತ!

ಸ್ನೇಹಿತ!
--------------
ಹೆಣ ಸುಟ್ಟೂ
ಹೆಣ ಹೊತ್ತೂ
ಹೆಣ ಹೂತೂ
ಜನ
ಬದುಕು
ಕಟ್ಟಿ ಕೊಂಡಿದ್ದಾರೆ!

ವೈರಿಯೇನಲ್ಲ...,

ಸಾವೂ
ಕೂಡಾ
ಬದುಕಿನ
ಸ್ನೇಹಿತನೇ!!.

✍ ಶಾಂತಾರಾಮ್ ಶೆಟ್ಟಿ.
➖➖➖➖➖➖

ಇಹದಲ್ಲಿರು!

ಇಹದಲ್ಲಿರು!
🍁🍁🍁🍁

ನಾಳೇನೇ
ಸಾಯೋನು
ನಾನು
ಇಂದಾದರೂ
ಬದುಕಬೇಕು!

ನಿನ್ನೇನೂ
ಸತ್ತೋನು
ನಾನು
ಇನ್ನಾದರೂ
ಬದುಕಬೇಕು!!.

✍🏽ಶಾಂತಾರಾಮ್ ಶೆಟ್ಟಿ
➖➖➖➖➖👻

ಸುಖ-ದು:ಖ!

ಸುಖ-ದು:ಖ!
~~~~
ಏನೂ
ಇಲ್ಲದಾಗ
ಇದ್ದ ಖುಷಿ
ಎಲ್ಲಾ
ಇದ್ದಾಗಲೂ ಇಲ್ಲ!

ಸುಖ-ದು:ಖಗಳು
ಇದ್ದಾಗ ಇರದ
ಇರದಾಗ ಇರುವ
ಸಮ ಭಾವಗಳು!!

✍ಶಾಂತಾರಾಮ್ ಶೆಟ್ಟಿ.
〰〰〰〰〰〰

ಛಲ!

ಛಲ!
======

ತುಳಿದರೆಂದು
ಕಳೆದು
ಹೋಗದಿರಿ..

ತುಳಿದವರನ್ನೂ
ಗುರಿ
ಮುಟ್ಟಿಸಿದ್ದು
ದಾರಿ !!.

✒ಶಾಂತಾರಾಮ್ ಶೆಟ್ಟಿ
➖➖➖➖🚶🏿▪

ಬಂಡಾಯ

ಬಂಡಾಯ
➖➖➖➖🐕
ಸ್ವಾಮಿ ನಿಷ್ಠೆ
ಒಂದೇ ಅಲ್ಲ
ಬಂಡಾಯದ
ಭಾಷೆಯೂ
ಗೊತ್ತಿದೆ ನಾಯಿಗೆ !

ಮೈದಡವಿದರೆ
ತಲೆದೂಗುತ್ತೆ
ಬಾಲಕ್ಕೆ
ಕಾಲಿಟ್ಟರೆ
ಕಚ್ಚುತ್ತೆ  ಕಾಲಿಗೆ !!

✍ಶಾಂತಾರಾಮ್  ಶೆಟ್ಟಿ.
➖➖➖🐕➖➖

ದ್ವಂದ್ವ!!

ದ್ವಂದ್ವ!!

=======

ನಮ್ಮನೆ ಮಕ್ಳಾದ್ರೇನು

ಪಕ್ಕದ ಮನೆ ಮಕ್ಳಾದ್ರೇನು

ಎಲ್ಲಾ

ಒಂದೇ ಅಲ್ವಾ?

ಅಂದರೆ

ಹೆಂಡತಿಗೇಕೋ

ಗಂಡನ

ಬಗ್ಗೆ

ದುರುಗುಟ್ಟಿ

ನೋಡುವಷ್ಟು

ಸಂಶಯ!!

✍🏽ಶಾಂತಾರಾಮ್ ಶೆಟ್ಟಿ

➖➖➖➖➖😢

ಮೂಲ!

ಮೂಲ!
=======
ಹಸಿವಿನ
ಮೂಲ ಎಲ್ಲಿದೆ?
ಎಂದರೆ
ಎಲ್ಲರೂ
ಹೊಟ್ಟೆಯ
ಮೇಲೆ ಕೈಯಿಟ್ಟರು!

ನಿಜವಾಗಿಯೂ
ಗುಡಾಣ
ಹೊಟ್ಟೆಯವರಿಗೆ
ಹಸಿವಿರಲಿಲ್ಲ!!

ಶಾಂತಾರಾಮ್ ಶೆಟ್ಟಿ✒
〰〰〰〰〰〰
(ಹಸಿದಿದ್ದವರ ಹೊಟ್ಟೆ ಬೆನ್ನಲ್ಲಿತ್ತು!😥)

'ಶಿಲ್ಪಿ' ಸ್!

➖➖➖➖➖'ಶಿಲ್ಪಿ' ಸ್!

======🛠🔨
ಹೊಡೆದೂ
ಬಡಿದೂ
ಕುಕ್ಕೀ- ತಿಕ್ಕೀ
ಕುಟ್ಟಿ-ತಟ್ಟಿ
ತಾನೇ
ಮೂರ್ತಿಯಾದದ್ದು....?!

ಬರೀ
ಮೂರ್ತಿ ಯದ್ದೇ
ಅಲ್ಲ
ಹೆಚ್ಚಿನವರ
ಹೆಂಡತೀಯರೂ
ಶಿಲ್ಪಿಗಳೆ!!
..........................😢
✍🏽ಶಾಂತಾರಾಮ್ ಶೆಟ್ಟಿ.

(ದಿನಾ ಕೆತ್ತಿಸಿಕೊಂಡರೇ ಮೂರ್ತಿಯಾಗೋದು!!)

ಬೂದಿ!

ಬೂದಿ!
➖➖➖🤜🏽
ಅವರು
ನಮ್ಮ ನಿಮ್ಮಂತೆ
ಸಾಮಾನ್ಯರೇನೂ
ಅಲ್ಲ..‌..,

ಹಣವಂತರು
ಆಸ್ತಿವಂತರು
ಅಂತಸ್ತಿನವರು
ಅಹಂವಿನವರು!

ನಿನ್ನೆ
ಸಡನ್ನಾಗಿ
ಸತ್ತರು!

ಸ್ಮಶಾನದಲ್ಲಿ
ವೀರಬಾಹು
ಬೂದಿ
ತುಂಬಿಸಿದ
ಮಣ್ಣ ಬಿಂದಿಗೆ
ಸಂಬಂಧಿಕರ
ಕೈಗಿಟ್ಟ!!.

✍ಶಾಂತಾರಾಮ್ ಶೆಟ್ಟಿ.
➖➖➖➖➖👊🏻
( ಎಷ್ಟಿದ್ದರೂ ಕೊನೆಗೆ
ಒಂದೇ ಹಿಡಿ!.)

ದ್ವಿಮುಖ!

ದ್ವಿಮುಖ!
========
ಅಲ್ಪತೃಪ್ತಿ
ಆತ್ಮತೃಪ್ತಿ
ಸಂತೃಪ್ತಿ...
ಎಂದವನನ್ನು
ಜನರೆಲ್ಲಾ
ಕೈಮುಗಿದು
ಬುದ್ಧನೆಂದರು !

ಮೂವೈತ್ತೈದು
ಮಾರ್ಕ್ಸ್ ಗೆ
ಮುಖದ ತುಂಬಾ
ಸಂತೃಪ್ತಿಯ
ಮೆಲುನಗೆ ಹೊತ್ತ
ಹಿಂದಿನ ಬೆಂಚಿನ
ಹುಡುಗರನ್ನು
ಸಮಾಜ
ಒಪ್ಪಲೇ ಇಲ್ಲ....,

ಬುದ್ದುಗಳೆಂದರು!!

✍ಶಾಂತಾರಾಮ್ ಶೆಟ್ಟಿ 

ಅಪಹಾಸ್ಯ!

ಅಪಹಾಸ್ಯ!
➖➖➖

ಛೆ
ಇಲ್ಲಾರೀ....
ನನಗೆ
ಅಂತದ್ದೇನೂ
ವಯಸ್ಸಾಗಿಲ್ಲ
ಅನ್ನುವಾಗೆಲ್ಲಾ.....

ನನ್ನ
ಗಡ್ಡ ಮೀಸೆಯ
ಕೆಲವೊಂದು
ಕೂದಲುಗಳು
ಘೊಳ್ಳನೆ
ಬೆಳ್ಳನೆ
ಅಪಹಾಸ್ಯದ
ನಗು ನಗುತ್ತವೆ!!

✍🏽ಶಾಂತಾರಾಮ್ ಶೆಟ್ಟಿ.

(ಹೆಂಗಸರಿಗೆ ಗಡ್ಡ ಮೀಸೆ ಬರದಿರುವುದರಿಂದ ಅವರಿಗೆ
ವಯಸ್ಸಾಗಲ್ಲ !)😀

Be cool

Be cool 

ಮಣ್ಣಿನ

ಮಡಕೆಯೊಳಗೆ

ತಣ್ಣಗೆ

ಮಂಥನವಾದರೆ

ಮಜ್ಜಿಗೆಯೊಳಗಿನ

ಮೃದು-ಮಧುರ

ಬಟರ್ !

ಒಳಗೊಳಗೆ

ಒಡಲೊಳಗೆ

ಕುದಿದರೆ..

ಬಾಳು

ಪ್ರಶ್ಶರ್ ಕುಕ್ಕರ್...

ಬೇಗ ಬೇಯುವೆ

ಬೇಗ ಸಾಯುವೆ!!

✍ ಶಾಂತಾರಾಮ್ ಶೆಟ್ಟಿ.

(ಕುದಿಯ ಬೇಡವೋ ಎಲೈ ಮನವೇ...)

ಅಂತರ!!

ಅಂತರ!!
📶📶📶📶
ನಮ್ಮ
ಸಾಂಸಾರಿಕ
ಸಾಮಾಜಿಕ
ಮಾನವೀಯ ಮೌಲ್ಯಗಳೆಲ್ಲಾ
ಎಲ್ಲಿ ಹೋದವು?

ಕೇಳಿದರೆ
4G ಹುಡುಗರು
ಗೂಗಲ್‌ನಲ್ಲಿ
ಹುಡುಕಿದರು!

ಉಹೂಂ...
ಸಿಕ್ಕಿಲ್ಲ !


ನೆಟ್ ವರ್ಕ್ ಪ್ರಾಬ್ಲೆಮ್ಮ್!

✍ ಶಾಂತಾರಾಮ್ ಶೆಟ್ಟಿ.
➖➖➖➖➖➖
(ಅಜ್ಜಿಗೂ ಮೊಮ್ಮಗನಿಗೂ ಕನೆಕ್ಟೇ ಆಗ್ತಾ ಇಲ್ಲ!!)😃

ಸಾವಧಾನ

ಸಾವಧಾನ 

ಮಣ್ಣಿನ
ಮಡಕೆಯೊಳಗೆ
ತಣ್ಣಗೆ
ಮಂಥನವಾದರೆ
ಮಜ್ಜಿಗೆಯೊಳಗಿನ
ಮೃದು-ಮಧುರ
ಬಟರ್ !

ಒಳಗೊಳಗೆ
ಒಡಲೊಳಗೆ
ಕುದಿದರೆ..
ಬಾಳು
ಪ್ರಶ್ಶರ್ ಕುಕ್ಕರ್...

ಬೇಗ ಬೇಯುವೆ
ಬೇಗ ಸಾಯುವೆ!!

✍ ಶಾಂತಾರಾಮ್ ಶೆಟ್ಟಿ.
(ಕುದಿಯ ಬೇಡವೋ ಎಲೈ ಮನವೇ...)

ಅಂತರ!!

ಅಂತರ!!
📶📶📶📶
ನಮ್ಮ
ಸಾಂಸಾರಿಕ
ಸಾಮಾಜಿಕ
ಮಾನವೀಯ ಮೌಲ್ಯಗಳೆಲ್ಲಾ
ಎಲ್ಲಿ ಹೋದವು?

ಕೇಳಿದರೆ
4G ಹುಡುಗರು
ಗೂಗಲ್‌ನಲ್ಲಿ
ಹುಡುಕಿದರು!

ಉಹೂಂ...
ಸಿಕ್ಕಿಲ್ಲ !


ನೆಟ್ ವರ್ಕ್ ಪ್ರಾಬ್ಲೆಮ್ಮ್!

✍ ಶಾಂತಾರಾಮ್ ಶೆಟ್ಟಿ.
➖➖➖➖➖➖
(ಅಜ್ಜಿಗೂ ಮೊಮ್ಮಗನಿಗೂ ಕನೆಕ್ಟೇ ಆಗ್ತಾ ಇಲ್ಲ!!)😃

ದುರಾಸೆ! ➖➖➖➖ ಬೇಕಾಗುವಷ್ಟು ಬಾಚಿಕೋ ಎಂದೇ ದೇವರು ಎರಡು ಕೈ ಕೊಟ್ಟ! ದುರಾಸೆ ಕೈ ಚೀಲ ಹಿಡಿಯಿತು!! ✍ಶಾಂತಾರಾಮ್ ಶೆಟ್ಟಿ ➖➖➖➖➖🍁

ದುರಾಸೆ!
➖➖➖➖

ಬೇಕಾಗುವಷ್ಟು
ಬಾಚಿಕೋ
ಎಂದೇ
ದೇವರು
ಎರಡು ಕೈ ಕೊಟ್ಟ!

ದುರಾಸೆ
ಕೈ
ಚೀಲ ಹಿಡಿಯಿತು!!

✍ಶಾಂತಾರಾಮ್ ಶೆಟ್ಟಿ
➖➖➖➖➖🍁

ಆಶಾವಾದಿ!

ಆಶಾವಾದಿ!
➖➖➖👍🏻
ಜೀವನದಲ್ಲಿ
ಗಂಡಸರು
ಯಾವತ್ತೂ
ಆಶಾವಾದಿಗಳಾಗಿ
ಇರಬೇಕು...!

ಇಂದಲ್ಲ ನಾಳೆ
ಹೆಂಡತಿ....
ನಿಮ್ಮ ಮಾತು
ಕೇಳಿದರೂ
ಕೇಳಬಹುದು !!

✍ ಶಾಂತಾರಾಮ್ ಶೆಟ್ಟಿ.

(ಹಣೆ ಬರಹಕ್ಕೆ ಗ್ಯಾರಂಟಿ ಕೊಡಲಾಗದು)😜

ಉನ್ಮಾದ!

ಉನ್ಮಾದ!
➖➖➖➖➖
ಈ ದೇಶ ನನ್ನದು
ನನ್ನ ದೇಹದೊಳು
ಹರಿಯುವ
ಹನಿ ಹನಿ
ರಕ್ತವೂ ನಿನ್ನದು !

ಕವಿ ಬರೆದ
ಗಾಯಕ ಹಾಡಿದ
ಜನ
ಕುಣಿದರು
ದಣಿದರು...!!

ಉನ್ಮತ್ತ ಮತಭಕ್ತ
ರಾಜಕಾರಣಿ
ಎದೆಸೀಳುವ
ತಲೆಕಡಿಯುವ
ಯುದ್ದೋನ್ಮಾದದ
ಪಂಥಾಹ್ವಾನ ನೀಡಿದ!

ಗಡಿಯಲ್ಲಿ
ಗುಂಡು ಎದೆಯೊಕ್ಕಿಸಿ
ರಕ್ತ ಬಸಿದುಕೊಂಡು
ವೈರಿಯ ಪ್ರಾಣ
ಕಸಿದುಕೊಂಡು
ಸತ್ತಿದ್ದು
ಸೈನಿಕ ಮಾತ್ರ!

ವೀರ ಸತ್ತಾಗ
ಹೆಂಡತಿ ಮಕ್ಕಳು
ಎದೆಬಿರಿದು ಅತ್ತಾಗ
ಲೆಕ್ಕಿಸಲಿಲ್ಲ-ಬಿಕ್ಕಿಸಲಿಲ್ಲ
ದು:ಖಿಸಲು
ಜನರೇ ಇಲ್ಲ !

ಉಗುರು ಕಚ್ಚುವ
ದೇಶಭಕ್ತರೆಲ್ಲರೂ
ಅತಂಕಿತರೇ
ದೇಶ ಗೆದ್ದರೆ ಸಾಕು
ಕೊನೆಯ ಬಾಲಲ್ಲಿ
ಗೆಲ್ಲಲು ಇನ್ನೂ
ಐದು ರನ್ನು ಬೇಕು!!.

✍🏽ಶಾಂತಾರಾಮ್ ಶೆಟ್ಟಿ 😕

ಉಪದೇಶ!

ಉಪದೇಶ!
========🗣
ಅದು ಬಿಡಿ
ಇದು ಬಿಡಿ
ಬರೀ
ದೇವರಲ್ಲಿ
ಚಿತ್ತವಿಡಿ !

ಎಂದೆಲ್ಲಾ
ಪ್ರವಾಚಿಸುವ
ಸ್ವಾಮೀಜಿಗೂ
ತಿರುಗಾಡಲು
Audi ಗಾಡಿ !!

✍ ಶಾಂತಾರಾಮ್ ಶೆಟ್ಟಿ.

ಓ(ಊ)ಳು!

ಓ(ಊ)ಳು!
➖➖➖➖

ತಮ್ಮಷ್ಟಕ್ಕೇ
ತಮ್ಮನ್ನು
ತಾವೇ
ಬುದ್ಧಿವಂತ ಪ್ರಾಣಿ
ಎಂದು
ಮನುಷ್ಯ
ಕರೆದುಕೊಳ್ಳುವಾಗಲೆಲ್ಲಾ...

ದೂರದಲ್ಲಿ
ನರಿಯೊಂದು
ಓಓಉ
ಎಂದು
ಊಳಿಡುತ್ತಿತ್ತು!!.

✍ ಶಾಂತಾರಾಮ್ ಶೆಟ್ಟಿ
➖➖➖➖➖
(ಪ್ರತಿಭಟನೆ ಇದ್ದರೂ ಇರಬಹುದೇನೊ?)😃

ಸಂಶಯ! ➖➖➖

ಸಂಶಯ!
➖➖➖
ಸ್ವಂತದೊಂದು
ಸೂರಿಲ್ಲ
ಬ್ಯಾಂಕಲ್ಲೇನೂ
ಬ್ಯಾಲೆನ್ಸ್
ಇದ್ದಂಗಿಲ್ಲ
ಆದರೂ
ದಿನಾ ಬೆಳಿಗ್ಯೆದ್ದು
ಹಾಡುವ
ಕೋಗಿಲೆಯ ಖುಷಿ ಕಂಡಾಗಲೆಲ್ಲಾ.....

ಮಾನವ ಜನ್ಮ ದೊಡ್ಡದು
ಎಂದ
ದಾಸರ ಮೇಲೇಕೋ
ಸಣ್ಣದೊಂದು
ಸಂಶಯ !!

✍ ಶಾಂತಾರಾಮ್ ಶೆಟ್ಟಿ.
➖➖➖➖➖➖
(ಬರುವ ಜನ್ಮದಲ್ಲಾದರೂ ನಾನು  ನೀನಾಗಲೇ
ಎಲೈ ಕೋಗಿಲೆ.....?! )

ಗಾರ್ಧಭ(ಗಾನ)ರು

ಗಾರ್ಧಭ(ಗಾನ)ರು
===============

"ನಿಲ್ಲಿಸು...
ಕೋಗಿಲೆಯಂತಿಲ್ಲ
ನಿನ್ನ ಧ್ವನಿ"
ಅಂದರೂ
ಕತ್ತೆ ಅರಚುವುದನ್ನು
ನಿಲ್ಲಿಸೋಲ್ಲವಂತೆ....!

ಕೆಲ ಕಿವಿಗಳಿಗೆ
ಹಸಿವಿನ
ಅರಚಾಟದಲ್ಲೂ 
ಸಂಗೀತದ ಧ್ವನಿ
ಕೇಳುವಾಸೆ !

✍ಶಾಂತಾರಾಮ್ ಶೆಟ್ಟಿ

( ಕತ್ತೆಯನ್ನೂ ಅರ್ಥಮಾಡಿಕೊಳ್ಳದ___!)

ಇಷ್ಟೇ!

ಇಷ್ಟೇ!
➖➖➖➖
ಮೂರಂತಸ್ತಿನ
ಮನೆಯಲ್ಲಿ
ಆರು ಬೆಡ್ರೂಮು
ಕಟ್ಟಿಸಿದವನೂ...

ಕೊನೆಗೆ
ಮಲಗಿದ್ದು
ಮಾತ್ರ






ಮಣ್ಣೊಳಗೆ!!.

✍ಶಾಂತಾರಾಮ್ ಶೆಟ್ಟಿ
➖➖➖➖➖➖
(ಅರೆನಿದ್ರೆಗೆ ಚಿರನಿದ್ರೆಯ ಸವಾಲು!)

ಕೆಲಸವಿಲ್ಲ!

ಕೆಲಸವಿಲ್ಲ!
=========

ಹಣ
ಸಂಪಾದನೆಯ
ಹಿಂದೆ
ಬಿದ್ದವರೆಲ್ಲಾ
ಬೆಳೆಗ್ಗೆದ್ದು ಮನೆಬಿಟ್ಟು
ಕೆಲಸಕ್ಕೆ ಹೋದರು,

ಅಮ್ಮನಿಗೆ
ಕೆಲಸವಿಲ್ಲ....

ಆಕೆ ಮನೆಯಲ್ಲೇ !

ಹೊತ್ತಾರೆ ಎದ್ದು
ಅಡುಗೆಮನೆಯಲ್ಲಿ
ಕುಟ್ಟಿ-ತಟ್ಟಿ
ಹದವಿಟ್ಟು-ಹಬೆಯಿಟ್ಟು
ಬೇಯಿಸಿ-ಬಾಡಿಸಿ
ಕುದಿಸಿ-ಕುಂದಿಸಿ
ಹಸಿ-ಬಿಸಿ
ಪ್ರೀತಿಯ-ಛಾತಿಯ
ತುತ್ತು
ಉಣಬಡಿಸಿದವಳಿಗೆ
ಸಂಬಳವಿಲ್ಲ!!

✍ ಶಾಂತಾರಾಮ್ ಶೆಟ್ಟಿ.
➖➖➖➖➖➖
( ಅಮ್ಮನ ಹೃದಯದಲ್ಲಿ ಕಾಸಿಗೆ ಚಿಕ್ಕಾಸಿನ ಬೆಲೆ!)

(ತ)ಗಾದೆ!

(ತ)ಗಾದೆ!
➖➖➖➖

"ಬಿತ್ತಿದ್ದನ್ನೇ
ಬೆಳೆಯೋದು...!"

ಕಲಬೆರಕೆ
ಕಳಪೆ ಬೀಜ
ಬಿತ್ತೋವರೆಗೆ
ರೈತ
ಹಾಗಂತ್ಲೇ ನಂಬಿದ್ದ!!

✍ ಶಾಂತಾರಾಮ್ ಶೆಟ್ಟಿ.

(ಅ)ಕ್ಷಯ!.

(ಅ)ಕ್ಷಯ!.
➖➖➖➖
ಈ
ಮೂಲೆಯಲ್ಲೇ
ಸಂಪತ್ತು
ವೃದ್ಧಿಯಾಗೋದು
ದುಡ್ಡು ಬಂಗಾರ
ಇಲ್ಲಿಡಿ
ಎಂದರು
ವಾಸ್ತು ತಜ್ಞರು...!

ಜಾಣ
ಕಳ್ಳ
ಕುಬೇರ
ಮೂಲೆಗೇ
ಕನ್ನ ಹಾಕಿದ !!

 ✍ ಶಾಂತಾರಾಮ್ ಶೆಟ್ಟಿ.

ಅರ್ಥವಾಗಿಲ್ಲ!

ಅರ್ಥವಾಗಿಲ್ಲ!
➖➖➖➖➖😇
ಅರ್ಥವಾಗದವರೂ
ಅರ್ಥವಾಗದವರಿಗೆ
ಅರ್ಥವಾಗದಂತೆ
ಅರ್ಥೈಸದೆ ಹೇಳುವ
ವೇದಾಂತದಂತೆ
ಸಂಕೀರ್ಣ
ಈ
ಬದುಕ ಸಂತೆ !

ಸ್ವಾರ್ಥ
ಪರಾರ್ಥ
ಪಾರಮಾರ್ಥ
ಜೀವನಾರ್ಥ
ದ
ಇರುಕು ದಾರಿಯಲ್ಲಿ
ಇನಿತೂ
ಅರ್ಥವಾಗದೆ
ತಡವುತ್ತಾ ಎಡವುತ್ತಾ
ನಮ್ಮ
ಜೀವನ
Already
ಅರ್ಧ
ಮುಗಿದೋಗಿದೆಯಂತೆ !!

✍ ಶಾಂತಾರಾಮ್ ಶೆಟ್ಟಿ
➖➖➖➖➖➖
(ಅರ್ಥವಾಗಲಿ,ಆಗದಿರಲಿ
ಸಂತೆ
ಮುಗಿದಂತೆ
ಜಾಗ ಖಾಲಿ ಮಾಡಬೇಕಂತೆ!)
====≠========

(ಮೂರಾ)ಬಟ್ಟೆ!.

(ಮೂರಾ)ಬಟ್ಟೆ!.
==========
ಮೈ
ಮುಚ್ಚಿಟ್ಟು
ಬಿಚ್ಚಿಟ್ಟು
ಅರೆಬರೆ ತೆರೆದಿಟ್ಟು
ಕಣ್ಣಾಮುಚ್ಚಾಲೆ
ಆಟ ಆಡಿದ್ದು
ಈ ಬಟ್ಟೆ....,

ಮಾನದ
ಬದುಕು
ಬಟ್ಟೆಯ
ಬಲೆಯೊಳಗೆ
ಮೂರಾಬಟ್ಟೆ!!.

✍ ಶಾಂತಾರಾಮ್ ಶೆಟ್ಟಿ.

(ಮಾನದ ಜೊತೆ
ಬಟ್ಟೆ
ಆಟ ಆಡುತ್ತೆ ಖಂಡಾಬಟ್ಟೆ !!.)😃

ನಿಸ್ವಾರ್ಥಿ!

ನಿಸ್ವಾರ್ಥಿ!
➖➖➖➖✋🏾
ಹೆಂಡತಿ
ಮನೆ-ಮಠ
ಮಕ್ಕಳು-ಮೊಮ್ಮಕ್ಕಳು...‌,

ನಾನೇ
ಕಟ್ಟಿಕೊಂಡ
ಬದುಕೇ
ನನಗೆ ಸಾಕಷ್ಟಿದೆ !

ಅತಿಯಾಸೆ ನನಗಿಲ್ಲ
ಯಮರಾಜ
ಬೇಕಿಲ್ಲ ನನಗೆ
ಸಾವು
ನೀನೇ
ಇಟ್ಟುಕೋ !!

✍🏽ಶಾಂತಾರಾಮ್ ಶೆಟ್ಟಿ.
➖➖➖➖✋🏾😀

Costly....!

Costly....!
➖➖➖➖💞

ಇತ್ತೀಚೆಗೆ
ತೀರಾ
ಹೆಚ್ಚಾಗಿದೆ
ಪ್ರೀತಿಯ ಬೆಲೆ!

ಪಾಪ
ಪ್ರೀತಿ
ಮಾಡೋದಾದ್ರೂ
ಹ್ಯಾಗೆ
ಬಡಪಾಯಿ...?

ಕಾಫಿ ಡೇಯಲ್ಲಿ
ಅವಳ ಜೊತೆ
ಕುಡಿದ
ಒಂದು ಕಾಫಿಗೆ
ಬರೋಬ್ಬರಿ
ಇನ್ನೂರು ರೂಪಾಯಿ!!


(ಹುಡುಗ ಸಪಾಯಿ!😉)

✍ಶಾಂತಾರಾಮ್ ಶೆಟ್ಟಿ.
➖➖➖➖➖☕

ಬೆಲೆ!!

ಬೆಲೆ!!
=====

ಹೌದ್ರೀ...
ಕತ್ತೆಗೇನು ಗೊತ್ತು
ಕಸ್ತೂರಿ ಸುವಾಸನೆ?!

ಕತ್ತೆಗೆ
ಗೊತ್ತಿದ್ದದ್ದು
ಬರೇ..

ದಿನಾ
ಸುಡು ಬಿಸಿಲಿನ
ದುಡಿತದಿಂದ
ಸುರಿಯುವ
ಬೆವರಿನ
ಗಮಟು ವಾಸನೆ!!

✍ ಶಾಂತಾರಾಮ್ ಶೆಟ್ಟಿ.

ನೋವು!

ನೋವು!
➖➖➖😢

ತನ್ನ ಹೆಸರಿಡಿದು
ದೇವರಲ್ಲಿ
ಹಿಡಿಶಾಪ ಹಾಕೋ
ನೋವುಂಡವರ
ನೋವು ಕಂಡಾಗ
ನೋವಿಗೂ
ನೋವಾಗುತ್ತಿತ್ತು......!

ತನ್ನ
ಬೆನ್ನ ಹಿಂದೇನೇ
ನಲಿವಿದೆ
ಎಂದು ನೋವು
ತಾನೇ ತಾನಾಗಿ
ತೋರಿ ಕೊಟ್ಟಾಗಲೂ
ತಾಯಿ
ಮಗುವಿನ ನಗು
ನೋಡಿ
ನೋವ
ಮರೆತೇ ಬಿಟ್ಟಳು!!

✍🏽ಶಾಂತಾರಾಮ್ ಶೆಟ್ಟಿ.

ವ್ಯತ್ಯಾಸ!

ವ್ಯತ್ಯಾಸ!
▪▪▪▪
ಹಗಲು
ಸುಂದರ
ಇರುಳು
ಭಯಂಕರ!

ಕಂಡವರ ಮಾತಿಗೆ
ಕಪ್ಪು
ಕನ್ನಡಕದೊಳಗಿನ
ಕುರುಡನದ್ದು

ನಿರ್ಲಿಪ್ತ ನಗು!
😎

✍ಶಾಂತಾರಾಮ್ ಶೆಟ್ಟಿ
⚜⚜⚜⚜⚜⚜

ದಾರಿ!

ದಾರಿ!
======
ಬೆಂಕಿ
ತನ್ನಿಂತಾನೆ
ಉರಿಯೋದು
ಗಾಳಿ
ಉರಿಯೋ ಬೆಂಕಿಗೆ
ತುಪ್ಪ
ಸುರಿಯೋದು
ನಡೀತಾನೇ ಇತ್ತು.....!

ನೀರು
ಮಾತ್ರ
ಆರಿಸುವ
ತಣ್ಣಗಿನ
ದಾರಿ
ಆರಿಸಿತು!!

✍ಶಾಂತಾರಾಮ್ ಶೆಟ್ಟಿ.

ದೇವರು!

ದೇವರು!
➖➖➖🙏
ಅಮ್ಮಾ....

ಯಾವತ್ತೂ
ದೇವರ
ನೆನೆಯುತ್ತಾ
ಹಾಡುತ್ತಾ
ಹೂ ಕಟ್ಟುತ್ತಿದ್ದಳು !

ದಿನಾ
ದರುಶನ
ಆಗುತ್ತಿದ್ದುದು
ನನಗೆ ಮಾತ್ರ !!

✍ಶಾಂತಾರಾಮ್ ಶೆಟ್ಟಿ

ವಿರೋಧಾಭಾಸ!

ವಿರೋಧಾಭಾಸ!
➖➖➖➖🤔
ಈ
ನಾಡಿನ
ಹೆಣ್ಣಿನ
ಮಾನಾಪಮಾನದ
ಪ್ರಶ್ನೆ ಬಂದಾಗ
ಸುಮ್ಮನಿರಲು
ನಾವೇನು
ಬಳೆ
ತೊಟ್ಕೊಂಡಿದ್ದೇವಾ..?
ರಾಣಿ ಅಬ್ಬಕ್ಕ
ಮೆಟ್ಟಿದ
ಗಂಡು ನೆಲವಿದು !!

ಪರೋಕ್ಷವಾಗಿ
ಹೆಣ್ಣನ್ನು
ಜರೆದ
ಮನುವಾದಿಯೊಬ್ಬ,
ಬರೆದ
ಭಾಷಣದ...
ಅನುವಾದಿಯಾದ!!.

✍ಶಾಂತಾರಾಮ್ ಶೆಟ್ಟಿ
➖➖➖➖➖🤔

ಮೊಸಳೆ-ಕಣ್ಣೀರು!

ಮೊಸಳೆ-ಕಣ್ಣೀರು!
===========🐊

ಎಲ್ಲಾ
ಕಣ್ಣೀರುಗಳು
ನಕಲಿಗಳಲ್ಲ
ಅಲ್ವಾ?

ಮೊಸಳೆಗಳಿಗೂ
ನೋವಿಲ್ವಾ? !!

✍ಶಾಂತಾರಾಮ್ ಶೆಟ್ಟಿ

ಪ್ರಾಣಿಗಳು!

ಪ್ರಾಣಿಗಳು!
========
ಆಸ್ತಿ,ಹಣಕ್ಕಾಗಿ
ಅಣ್ಣ-ತಮ್ಮಂದಿರು
ಹಾವು
ಮುಂಗುಸಿಯಂತೆ
ಕಾದಾಡುತ್ತಿದ್ದಾಗ....

ಮುಂಗುಸಿ
ಜೋಡಿ
ಸಹೋದರರು
ಒಗ್ಗಟ್ಟಾಗಿ
ಹಾವನ್ನು
ಹಿಡಿದು
ಹೊಡೆದು
ಸಾಯಿಸಿದವು!

ಪ್ರಾಣಿಗಳೇ
ಮಾನವಂತರು!!

✍ಶಾಂತಾರಾಮ್ ಶೆಟ್ಟಿ.
➖➖➖➖➖➖

ತೇಲಿಕೆಯ....!

ತೇಲಿಕೆಯ....!
➖➖➖➖
ಕಾಲ
ಕೈಯ
ಶರಧಿಯ
ಆಳದಲ್ಲಿ
ತಳಕಂಡು
ನೆಲೆ
ನಿಂತವರು
ಯಾರು?

ಮೂರು ದಿನದ
ಬದುಕಿನಲ್ಲಿ
ಮುಳುಗಿದವರು

ಸತ್ತಾಗ
ತೇಲಿದವರೇ
ಎಲ್ಲರೂ!!

✍ಶಾಂತಾರಾಮ್ ಶೆಟ್ಟಿ
➖➖➖➖➖🌹

ಅವಸ್ಥೆ!

 ಅವಸ್ಥೆ!
➖➖➖

ಗಾಂಧೀ ಜೀವನ
ಪಥ
ಸೆಮಿನಾರಿನಲ್ಲಿ
ಭಾಗವಹಿಸಿದ
ಎಲ್ಲರಿಗೂ
Cocktail Dinner
ವ್ಯವಸ್ಥೆ
ಏರ್ಪಡಿಸಲಾಗಿತ್ತು!!

✍ ಶಾಂತಾರಾಮ್ ಶೆಟ್ಟಿ
➖➖➖➖➖🥃

ಸಣ್ಣತನ!

ಸಣ್ಣತನ!
➖➖➖
ಕರೆಂಟು
ಹೋದಾಗ
ದೀಪದ ಬೆಳಕಿನ
ಸುತ್ತ ಕೂತು
ಅದರಡಿಯ
ಕತ್ತಲೆಯನ್ನು
ದೂರಿದರು!

✍ಶಾಂತಾರಾಮ್ ಶೆಟ್ಟಿ
➖➖➖➖➖🌚

ಕಪ್ಪು!▪▪▪

ಕಪ್ಪು!▪▪▪
============
ಕರಿ ಹಲಗೆಯ
ಮೇಲೆ ಮೂಡಿದ
ಬಿಳಿ ಅಕ್ಷರಗಳು
ಮಾತ್ರ
ನಮ್ಮನ್ನು
ಜ್ನಾನದ
ಕಕ್ಷೆಯಲ್ಲಿಟ್ಟು
ಮುಂದುವರಿಸಿದ್ದು!

ಕರಿಹಲಗೆ
ಇನ್ನೂ
ಅಲ್ಲೇ
ಹಾಗೆಯೇ ಇದೆ!!

✍ಶಾಂತಾರಾಮ್ ಶೆಟ್ಟಿ
➖➖➖▪▪▪

ಕಾರಣ!

ಕಾರಣ!
➖➖➖➖🌹
ಮುದುಕ
ಅಲ್ಲೇ
ಒರಗಿ ಕೂತಿರುವುದು
ವಯೋ ಸಹಜ
ಸುಸ್ತಿಂದ!

ಜನರ
ಭಾವಗಳು
ಬದಲಾಗಲು
ಕಾರಣ ಪಕ್ಕದಲ್ಲಿದ್ದ
wineshop!!

✍ಕುಡ್ಕ🥃.
➖➖➖➖